Блаже Ицев
Блаже Ицев | ||
Роден | 1923 година Ваташа | |
---|---|---|
Починал | 16 јуни 1943 година Моклиште, Ваташа. Стрелан од бугарскиот фашистички окупатор | |
Националност | Македонец |
Блаже Ицев ( 1923 во Ваташа — 16 јуни 1943 во Ваташа) — македонски партизан, учесник во Народноослободителната војска на Македонија. Едно од стреланите деца во Масакрот во Ваташа.[1]
Животопис
[уреди | уреди извор]Потекнувал од сиромашно семејство. Завршил основно образование по што започнал да го изучува столарскиот занает. Уште на млади години се вклучил во редовите на напредното младинско движење во Ваташа. Во октомври 1941 година станал член на една скоевска група што ја предводел Диме Чекоров. Оваа скоевска ќелија одржувала редовни состаноци на кои биле читани партиски материјали кои се добивале од Кавадарци. Биле добивани и политичките списанија "Политички листок" и "Марксистички листок". Биле свесни за опасноста на која се изложуваат, но без приговор ги извршувале сите па и најтешките задачи. Заедно со своите другари пренесувале храна за борците од велешкиот партизански одред „Димитар Влахов”, а мошне активни биле и во времето на формирањето на одредот „Добри Даскалов”.[1]
Масакрот на ваташките деца
[уреди | уреди извор]Таквата нивна активност не останала незабележана од страна на бугарските фашисти. Поради неговата револуционерна дејност на 16 јуни 1943 година (на 6-тиот роденденот на Симеон II - син на Царот Борис III) е уапсен од страна на бугарската полиција, а по зверското мачење истиот ден е однесен во месноста "Моклиште", каде што е стрелан со уште 11-мина младинци од Ваташа.[1]
-
Дел од стреланите Ваташки младинци, во младешките денови
-
Дел од ѕверски убиените Ваташки младинци
-
Дел од стреланите Ваташки младинци, на игранка
-
Бугарскиот терор извршен во Тиквешијата - опишан од Лазар Мојсов, објавен во весникот Нова Македонија бр.28 од 3 јануари, 1945 година (среда)
-
12-те ваташки деца стрелани на 16 јуни 1943 година.
Поврзано
[уреди | уреди извор]Наводи
[уреди | уреди извор]- ↑ 1,0 1,1 1,2 Камчевски, Петре (2012). Ваташа. Кавадарци: Музеј-Галерија Кавадарци. стр. 414. ISBN 978-608-4621-04-1.
Text is available under the CC BY-SA 4.0 license; additional terms may apply.
Images, videos and audio are available under their respective licenses.