Биг стар
![](https://upload.wikimedia.org/wikipedia/commons/thumb/0/0d/Big_Star_at_Hyde_Park.jpg/220px-Big_Star_at_Hyde_Park.jpg)
Биг Стар — американска рок-група, основана во Мемфис, Тенеси, во 1971 година од Алекс Чилтон, Крис Бел, Џоди Стивенс и Енди Хамел. Групата се распаднала во 1974 година, а речиси 20 години подоцна се реорганизирала со нов состав. Во својата прва ера, музичкиот стил на групата бил заснован врз хармониите на Битлси, ритамот на Ролинг Стоунс и гитарскиот звук на Бирдс. Песните на Биг Стар се одликувале со темни, егзистенцијални теми, а стилот на групата бил предвесник на алтернативниот рок од 1980-тите и 1990-тите. Според зборовите на списанието „Ролинг Стоун“, Биг Стар создале „дела што никогаш не престанале да ги инспирираат следните генерации“, оценувајќи ги како „типична американска пауер-поп група“ и „еден од најпознатите митски и влијателни култови во целокупниот рокенрол“.[1]
Првиот албум „Големата ѕвезда“ од 1972 година бил исполнет со ентузијастички прегледи, но неефективниот маркетинг од Стакс рекордс (Stax Records) и ограничената дистрибуција го намалила неговиот комерцијален успех. Тоа предизвикало влошување на односите меѓу членовите на групата: Хумел заминал да го заврши своето високо образование откако вториот албум, „Радио Сити“, бил завршен во декември 1973 година. Како и првиот албум, и „Радио Сити“ добил одлични критики, но проблемите со издавачката куќа повторно ја попречувале продажбата - Колумбија рекордс, која ја презела контролата врз каталогот на „Стакс“, исто така, ефикасно ставила вето на нејзината дистрибуција. По третиот албум, снимен во есента 1974 година, кој се сметал за комерцијално неиздржлив, групата се распаднала кон крајот на 1974 година.
Значење и влијание
[уреди | уреди извор]Една песна од албумот „Мило ми е што се сретнав“ (англиски: Pleased To Meet Me) на американската рок-група Риплејсментс (англиски: The Replacements) од 1987 година е насловена „Алекс Чилтон“ во чест на главниот член на Биг Стар.[2]
Наводи
[уреди | уреди извор]Text is available under the CC BY-SA 4.0 license; additional terms may apply.
Images, videos and audio are available under their respective licenses.