Бел Врв
Поглед на Црна Чука од југ
Висина	&100000000000025320000002.532 м
Место	Македонија
Венец	Кораб
Прво освојување	непознато

Бел Врв — врв во северниот дел на главниот срт на протегање на планината Кораб, во Република Македонија. Неговата надморска височина изнесува 2.532 метри^[1].

Се наоѓа во северниот дел на планината на главниот срт, во близината на границата меѓу Македонија и Албанија, но сепак целосно припаѓа на македонска територија, бидејќи граничната линија се протега на повеќе стотици метри на запад. Според местоположбата на врвот Црна Чука се наоѓа на координатите 41°48'16" северна географска широчина и 20°34'52" источна географска должина^[1], западно од селaта Нистрово^[2] и Жужње над караулата „Победа“ и долината Беланџа во најгорниот дел на долината на Радика. Поточно, Бел Врв е сместен непосредно помеѓу врвот Црна Чука (2572 м) на север и високопланинскиот превој Голема Корапска Врата (2060 м.) и долината на реката Штировица непосредно на југ, додека кон исток се отвора долот Беланџа во најгорниот дел на долината на Радика, а кон запад длабокиот дол под Радомир (Радомирска Река) во Албанија. Се одликува со доста впечатлив грамаден изглед со стрмни падини на кои има изразито бели карпи и сипари (камењари) со раздробени бели камења при што особено се истакнува со нивната белина од црните и темни карпи на западната падина до неговиот соседен врв Црна Чука. Токму заради изразитите и впечатливи бели грамадни карпи (веројатно од мермер), најверојатно врвот го добил името Бел Врв. Помеѓу  врвот  Црна  Чука  и  Бел  Врв постои груб карпест  дробински  материјал  и  се нарекува камено море, кој настанува како  последица  на  физичкото распаѓање  и  разорување  на  карпестите  маси^[1]. До Бел Врв може да се пристапи и искачи почнувајќи по добро обележаната планинарска патека која започнува од караулата „Победа“ и води до највисокиот врв Голем Кораб, по која се одвива традиционалното искачување, при што во пределот Нистровски Кораб непосредно пред Кепи Бард се скршнува десно кон север и по разгазената необележана граничарска патека се достигнува до подножјето на врвот Црна Чука од каде по источната падина таа продолжува до Бел Врв и понатаму до Мала Корапска Врата. На највисоката точка на самиот врв искачувањето е прилично тешко и опасно бидејќи карпите се многу стрмни и пресечени за што е потребно познавање од алпинистичко (или слободен стил на) качување.

• 
  Поглед на Бел Врв од Црна Чука на југ
• 
  Планинари, слегуваат од највисоката точка на Бел Врв
• 
  Поглед на Бел Врв
• 
  Поглед на Бел Врв од исток од Нистровски Кораб

п р у Кораб Врвови Голем Кораб (2.764 м)  • Кораб 2 (2.753 м)  • Кораб 3 (2.745 м)  • Малокорапска Стена (Мала Корапска Врата) (2.727 м)  • Радомирски Врв (2.716 м)  • Мал Кораб (2.683 м)  • Кепи Бард (2.589 м)  • Црна Чука (2.572 м)  • Бел Врв (2.532 м)  • Боази (2.495 м)  • Бели Јами (2.494 м)  • Шупла Стена (2.431 м)  • Црн Камен (2.404 м)  • Дерза (2.403 м)  • Цигански Врв (2.398 м)  • Кабаш (2.391 м)  • Свртен Камен (2.380 м)  • Црвен Камен (Гури Куј) (2.380 м)  • Зиберова Кула (2.377 м)  • Нистровски Кораб (2.356 м)  • Рибничка Скала (2.305 м)  • Ливадички Врв (2.274 м)  • Црн Камен (Кобилино Поле) (2.248 м)  • Високо Брдо (2.245 м)  • Плоча (2.233 м)  • Јаворско Брдо (2.155 м)  • Капи Џамија (2.116 м)  • Куртово Ќуле (2.082 м)  • Шило (2.044 м)  • Пирк (2.036 м)  • Махија Мада (Спасенов Рид) (2.002 м)  • Бабин Камен (1.956 м)  • Пројжаба (1.939 м)  • Бачилски Камен (1.928 м)  • Црн Камен (Врбјани) (1.885 м) Езера Големокорапско Езеро  • Чукино Езеро  • Малокорапско Езеро  • Изгревно Езеро  • Кобилино Езеро  • Горно Радомирско Езеро  • Шилско Езеро  • Мало Грамско Езеро  • Големо Грамско Езеро  • Бачилско Езеро  • Бабино Езеро  • Долно Радомирско Езеро  • Средно Езеро  • Долно Езеро  • Извирско Езеро  • Црно Езеро Реки Рибничка Река  • Радомирска Река  • Штировица  • Длабока Река  • Шерупска Река  • Грекајска Река  • Таировска Река  • Габровскa Река  • Дагон Водопади Корапски (Пројфелски) водопад Седла Голема Корапска Врата (2062 м)  • Мала Корапска Врата (2478 м)  • Цигански Премин (2305 м)  • Шкртец (2020 м)  • Пралуга (1675 м) Висроамнини и полиња Кобилино Поле  • Грамско Поле  • Фуша е Лимует Долини Беланџа  • Грека  • Чапарец  • Чардак