Анвар ал Авлаки أنور العولقي
Анвар ал Авлаки во 2008 година
Роден(а)	Анвар Насер бин Абдула ал Авлаки 21 април 1971(1971-04-21)[1][2] Ново Мексико, САД
Починал(а)	септември 30, 2011(2011-09-30) (возр. 40) Јемен[3]
Причина за смрт	убиен од американската AGM-114
Живеалиште	Јемен
Народност	Арап
Државјанство	американско и јеменско
Алма матер	Универзитет Колорадо (B.S.) Универзитет Сан Диего (M.A.) Универзитет Џорџ Вашингтон (Ph.D., incomplete)
Занимање	имам
Организација	Ал Каеда во Арапскиот свет
Познат(а) по	претставник на Ал Каеда[4][5]
Влијанија од	Саид Кутб
Висина	1,85[6][7]
Тежина	73[6]
Вера	Суни ислам
Деца	5[8]
Родители	Насер ал Авлаки (татко)

Анвар ал Авлаки (арапски: أنور العولقي‎, 21 април 1971 - 30 септември 2011) е поранешен американски^[9] и јеменски имам.

Ал Авлаки бил американски државјанин, роден во Ново Мексико а израснат во Јемен. Како што било наведено од страна на еден агент на ФБИ, ал-Авлаки со измама добил грант за образование на Универзитетот Колорадо во раните 1990-ти, намерно ставајќи погрешно место на раѓање во прашалникот за добивање на грантот. Додека бил студент, ал-Авлаки се свртел кон радикалниот ислам и почнал да проповеда во џамиите во Сан Диего и во Форт Колинс во сојузната држава Колорадо. ^[10]

Имамот го привлекол вниманието на ФБИ во 1999 година. Истрагата се сомневала дека тој контактирал со некои агенти на Ал Каеда, кои одржувале сателитска врска со Осама бин Ладен. Поради недостигот од докази, случајот бил затворен. Според ФБИ, ал-Авлаки, исто така, ја посетувал џамијата во Сан Диего, во сојузната држава Калифорнија, заедно со Наваф ал-Хазми и Калид ал-Мидхар, коишто на 11 септември 2001 го киднапирале авионот којшто потоа го урнаа врз зградата на Пентагон. Агентот на ФБИ е убеден дека ал-Авлаки однапред знаел за нападот.

Јеменските власти потврдиле дека ал-Авлаки имал средби со обвинетиот за обид за извршување терористички напад во авионот А-330 над аеродромот во Детроит на 25 декември 2009 година. Ал-Авлаки, исто така, контактирал и со мајорот Малик Хасан, лекар психијатар во американската армија, кој во 2009 година застрела 13 луѓе во воената база во Тексас.

Во средината на јануари 2011 година, јеменскиот суд во отсуство го осудил ал-Авлаки на казна затвор од десет години по обвинение за поттикнување на убиство на странски државјани и одржување врски со глобалната терористичка мрежа Ал Каеда. Директорот на Националниот контраразузнавачки центар на САД, Мајкли Лејтер, го нарече ал-Алваки центар, најуспешните промотор на екстремистички ставови на интернет, притоа тврдејќи дека имамот може да претставува најголемата закана за американската национална безбедност.