Џон Констабл (анг. John Constable; 11 јуни 1776 – 31 март 1837) — англиски уметник од времето на Романтизмот. Роден е во Источен Берголт, село крај реката Стур во Сафолк, Англија. Татко му бил богат трговец со пченка и Констабл работел кај татко му по завршувањето на училиштето. Меѓутоа наскро сфатил дека не му лежи тој занает и отишол да студира во Лондон. Ја изложил својата прва слика во 1802 г.

Констабл е познат по своите предели, иако за врем на неговиот живот продал само 20 слики и не бил избран за член на Кралската Академија сè до 52 годишна возраст, само 8 години пред неговата смрт. Во тоа време, неговите дела биле повеќе ценети во Франција, а неговото дело „Кола сено“ било изложено во парискиот салон во 1824 год.

Областа Дедемска Долина во Сафолк е позната како „Констаблов крај“. Поглед на Флетфордската воденица, е предмет на една од неговите слики, „Кола сено“. Таа била во сопственост на неговиот татко, богат мелничар. Блиската колиба Бриџ е во сопственост на Националниот фонд.

Констабл бил заљубен во Марија Бикнел, локална девојка чиј татко, кој бил адвокат кој се познавал со кралот и кој не го сметал Констабл за достоен на неговата ќерка. По пет години, тој конечно дал дозвола за брак во 1816 год. По раѓањето на седум деца, Марија умрела од туберкулоза во 1829, настан кој влијаел погубно на нејзиниот сопруг.

Констабл извршил влијание врз францускиот уметник Ежен Делакроа и Барбизонската школа, кои и почнале да скицираат на отворено како него. Француските импресионисти исто така ги темелеле своите техники за фаќање на разни светлини на него.

• „Дедемска Долина“ (1802)
• „Кола сено“ (18210)
• „Солсбериската катедрала од епископскиот имот“ (1825)
• „Пченкарно поле“, 1826.
• „Солсберската катедрала од ливадите“ (1829)
• „Брајтонската плажа со едреници“ (1824)
• „Бродоградителство близу Флетфордската воденица“ (1815)
• „Студија на перјести облаци“ (~1822)
• „Колиба кај Источен Берголт“ (1833).

• 
  „Солсбериската катедрала од епископскиот имот“ (1825)
• 
  „Белиот коњ“ (1819)
• 
  „Поглед на реката Стур близу Дедем“
• 
  „Стретфорската воденица“