Јелоустоун
| Национален парк Јелостоун Yellowstone National Park | |
МСЗП - Категорија II (Национален парк) | |
  | |
| Место | Вајоминг, Монтана и Ајдахо, САД |
|---|---|
| Најблизок град | / |
| Координати | 44°36′0″N 110°30′0″W / 44.60000° СГШ; 110.50000° ЗГД |
| Површина | 8.983 км2[1] |
| Основан | 1 март 1872 |
| Посетители | 3.151.343[2] (во 2007) |
| Светско наследство | 1978 |
Националниот парк Јелостоун е заштитен од Конгресот на САД на 1 март 1872, и е сместен во државите Вајоминг, Монтана и Ајдахо. Паркот бил прв од својот вид во светот, и е познат по животинскиот свет и по геотермалните извори. Индијанците го населувале овој регион уште пред 11.000 години. Организирано истражување на областа немало сѐ до 1860-ти години.
Паркот опфаќа површина од 8.983 км², (приближно колку 1/3 од површината на Република Македонија) со езера, кањони, реки и планински венци.[1] Езерото Јелостоун е едно од најголемите планински езера во САД, и се наоѓа во кратерот на вулкан кој сѐ уште се смета за активен. Половина од светските геотермални појави се во Јелостоун, предизвикани од постојаниот вулканизам.[3] Истечена лава и карпи исфрлени од ерупции ја прекриваат површината на паркот. Паркот го претставува најголемиот преостанат речиси недопрен екосистем на северната Земјина полутопка.[4]
Стотици видови на цицачи, птици, риби и влекачи се документирани, вклучувајќи и некои кои се загрозени или во опасност од исчезнување.[1] Огромните шуми и ливади се населени и со ендемски видови на растенија. Во паркот живеат и гризли мечки, сиви волци и слободни стада на бизони и елени. Секоја година се случуваат и шумски пожари: во 1988 изгорела речиси една третина од паркот.
Јелостоун нуди и рекреативни можности за туристите: пешачење, кампување, возење со чамци, рибарење и прошетки. Асфалтирани патишта водат до сите позначајни атракции. Зимно време, на туристите на располагање им се и тури со снежни санки.
Наводи
[уреди | уреди извор]- ↑ 1,0 1,1 1,2 „Yellowstone Fact Sheet“. National Park Service. 10 август 2006. Посетено на 2007-03-07.
- ↑ „History of total annual visits for Yellowstone NP“. Park Visitation Report. National Park Service. Архивирано од изворникот на 2012-02-15. Посетено на 2008-06-18.
- ↑ „Geothermal Features and How They Work“. National Park Service. 17 февруари 2007. Посетено на 2007-04-08.
- ↑ Schullery, Paul. „The Greater Yellowstone Ecosystem“. Our Living Resources. U.S. Geological Survey. Архивирано од изворникот на 2006-09-25. Посетено на 2007-03-13.CS1-одржување: бот: непознат статус на изворната URL (link)
Предлошка:Национални паркови во САД
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
