Ilmu ukua itu cabang dari matematika nan mangkaji bantuak, baiak itu titiak, garih, suduik, bangun data, bangun ruang, dan sataruihnyo; juo mangkaji ukuran bantuak itu, baiak panjangnyo, luehnyo, atau isi volumenyo. Dari bahaso Arab, ilmu iko disabuik handasah, dan dari bahaso Yunani ilmu iko disabuik geometri. Baramulo ilmu ukua bakambang dari kaparaluan maukua tanah (dari siko namo geometri tibo. γεω aratinyo tanah, μετρία aratinyo maukua). Catatan bangso Mesir dan Mesopotamia kuno manunjuakkan bahaso sajak zaman itu pengetahuan ilmu ukua alah dikenal. Kemudian bangso Yunani mambukak kulik ilmu iko sahinggo tampaklah susunan isi ilmunyo. Di abaik ka tigo sabalun masehi, Eulkides manyusun aksioma, yaitu putuihan pangka, nan manjadi aleh dasa bangunan logika ilmu ukua klasik. Kamudian dari irtu Archimedes mangambangan lai ilmu ukua dalam hal maukua lueh, nan di kamudian hari dikenal sebagai integral, juo mangambangan penerapan ilmu ukua di bidang fisika.

Di abaik ka-17, Rene Descartes mahubuangkan ilmu ukua jo aljabar, manjadi cabang ilmu ukua analitik. Jo ungkaian aljabar iko, bantuak-bantuak ilmu ukua sarupo garih dan langkuangan dapek dihubuangkan jo bantuak-bantuak aljabar.

Di abaik ka-18, ilmu ukua nan sabalunnyo hanyo mambahas bantuak di ateh bidang data, bakambang ka bidang nan malangkuang pulo ka bidang langkuang: ilmu ukua parabolik dek Bolyai, dan ilmu ukua eliptik dek Riemman.

Hakim., Nasoetion, Andi (1982). Landasan matematika. Bhratara Karya Aksara.