Harimau
Harimau (bahaso Latin: Panthera tigris), disabuik juo inyiak balang, adolah binatangnan tagolong filum Chordata, subfilum vertebrata, kelas mamalia, pamakan dagiang (karnivora), kaluarga felidae (kuciang), genus panthera, jo tagolong dalam spesies tigris.
Harmau marupokan jinih kuciang paliang gadang dari kalangan ampek jinih kuciang gadang dalam genus Panthera, dan anggota famili Felidae.[1] Harimau nan barasa dari Asia timur dan selatan iko adolah sajenis haiwan pemangsa dan maging. Pado subspesies harimau nan gadang dapek mancapai panjang 3,3 meter jo barek 300 kilogram.[2][3] Salain basa jo takahnyo, ciri khas nan dipunyoi harimau iolah corak balang barono galok nan malapisi bulunyo nan barono kaputiahan atau sirah kajinggaan. Harimau juo adolah kuciang paliang capek kaduo dalam balari sasudah citah. Dalam kalompok karnivora, harimau adolah karnivora paliang gadang katigo sasudah baribeh kutub jo baribeh coklat.
Harimau biasonyo baburu mangso nan agak gadang sarupo ruso sambar, kijang, kandiak, atau kancil. Namun, harimau lai baburu binatang kaciak juo co landak apobilo mangso nan agak gadang tu indak ado. Walaupun barasa dari kaluarga nan samo, harimau babeda jo kuciang biaso nan ketek. Harimau amaik suko baranang, babeda jo kuciang kasaluruahan nan takuik jo aia.
Subspesies
[suntiang | suntiang sumber]Ado anam sub-spesies harimau dalam genus Panthera nan masih hiduik kini dari nan samulo bajumlah sambilan sub-spesies harimau modern. Tigo sub-spesies harimau anlah dinyatokan punah sacaro rasmi. Sub-spesies harimau nan dikatahui adolah subagai barikuik:
Masih ado
[suntiang | suntiang sumber]- Harimau Siberia (Panthera tigris altaica) - atau disabuik juo sabagai Amur, Ussuri, Harimau Timur Lauik Cino, atau harimau Manchuria. Harimau Siberia tingga di kawasan hutan hujan jo padang rumpuik Cino, Korea Utara, jo Asia Tangah di Rusia. Sub-spesies ko marupokan nan paliang tagok di antaro sadoalah jinih kuciang lia di dunia.
- Harimau Cino Selatan (Panthera tigris amoyensis) - nan tingga di kawasan hutan hujan jo padang rumpuik tangah jo barat Republik Rakyaik Cino. Harimau ko panah disabuik dek Mao Zedong sabagai ancaman kapado kasalamaikan urang rami.
- Harimau Indocino (Panthera tigris corbetti) - nan ado di kawasan hutan hujan jo padang rumpuik Malaysia, Kamboja, Republik Rakyaik Cino, Laos, Myanmar, Thailand, jo Vietnam.
- Harimau Benggala (Panthera tigris tigris) - nan tingga di kawasan hutan hujan jo padang rumpuik Bangladesh, Bhutan, Republik Rakyaik Cino, India, jo Nepal.
- Harimau Sumatra (Panthera tigris sumatrae) - nan tingga hanyo di Sumatera.
- Harimau Malaya (Panthera tigris malayensis) - nan ado di kawasan Semenanjung Malaysia. Sampai taun 2004, harimau Malaya indak disabuik sabagai sub-spesies nan babeda, sabaliaknyo dianggap sabagai sub-spesies Harimau Indocino.
Punah
[suntiang | suntiang sumber]- Harimau Bali (Panthera tigris balica) - nan alah punah sakitar 1937. Harimau Bali panah bakaliaran di kawasan hutan hujan Bali, Indonesia.
- Harimau Jawa (Panthera tigris sondaica) - nan alah punah sakitar 1972. Harimau Jawa panah bakaliaran di kawasan hutan hujan Pulau Jawa, Indonesia.
- Harimau Kaspia atau Harimau Persia (Panthera tigris virgata) - nan alah punah sakitar 1950-an. Harimau Kaspia ko panah bakaliaran di kawasan hutan hujan jo padang rumpuik Afghanistan, Iran, Mongolia, Turki, jo kawasan Asia Tangah Rusia.
Rujuakan
[suntiang | suntiang sumber]- ↑ "Encyclopaedia Britannica Online - Tiger (Panthera tigris)". Diakses tanggal 25 September 2007.
- ↑ Cat Specialist Group Archived 2008-02-22 di Wayback Machine..
- ↑ "BBC Wildfacts – Tiger". Diarsipkan dari versi asli tanggal 2012-12-05. Diakses tanggal 2019-01-26.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
