Олег Этайн (Олег Геннадьевич Иркабаев) (1955 ӱярня 14, РСФСР, Башкир АССР, Мишкан кундем, Тымбай ял) — марий артист, режиссёр, туныктышо, Марий Эл Республикысе сымыктышын сулло пашаеҥже (1997), Марий Эл Республикысе М. Шкетан лӱмеш Кугыжаныш премийын лауреатше (1999), Россий Федерацийысе сымыктышын сулло пашаеҥже (2005), Йыван Кырля лӱмеш театр премийын лауреатше (4 гана).

• 1979 ийыште Москосо кугыжаныш тӱвыра институтым (рушла Московский институт культуры) тунем пытарен
• 1987 ГИТИС-ым тунемын лектеш.

Олег Иркабаевын пашаже Шкетан лӱмеш кугыжаныш театрыште 1979 ийыште тӱҥалын. Артист, вара режиссёр-постановщиклан тыршен. Ик ий жапыште Тула да Ставрополь олалаште драме театрлаште ыштен. 1990-ше ийыште Йошкар-Олаште республикысе руш драме театрышке режиссер-постановщиклан шогалын. 1991 ий гыч Марий Самырык театрыште тӱҥ режиссёр улеш.

Шындыме спектакль-влак кокла гыч эн кугу пагалымашым тыгай постановко-влак суленыт:

• «Пытартыш кече» (В.Распутин)
• «Савик» (Н.Игнатьев)
• «Эргымлан кузык» (М.Рыбаков)
• «Эх, илышет, шеремет!» (М.Шкетан)
• «Окса мешак» (М.Рыбаков)
• «Дядя Ваня» (А.Чехов)
• «Гроза» (А.Островский)
• «Мурлин-Мурло» (Н.Коляда)

Телеспектакльын постановщикше лийын:

• «Тургым»

Икымше марий телесериалын постановщикше лийын:

• «Чоныштем илет»

2003 да 2005 ийлаште "Йошкар-Ола театральная" конкурсышто "Эн сай режиссура" номинацийыште сеҥен.

• Марий Эл Республикысе сымыктышын сулло пашаеҥже (1997).
• Марий Эл Республикысе М. Шкетан лӱмеш Кугыжаныш премийын лауреатше (1999).
• Россий Федерацийысе сымыктышын сулло пашаеҥже (2005).
• Йыван Кырля лӱмеш театр премийын лауреатше (4 гана).

• Иркабаев Олег Геннадьевич.(руш)
• Иркабаев Олег Геннадьевич.(руш)
• Олег Иркабаев.(руш)
• Олег Иркабаев-Этайн.(руш)

1. Марийская биографическая энциклопедия : 3849 имен в истории Марийского края и марийского народа / авт. и рук. проекта В. Мочаев. - Йошкар-Ола, 2007. С. 153.
2. Энциклопедия Республики Марий Эл — Йошкар-Ола, 2009. — 872 с.: ил. (ISBN 978-5-94950-049-1) C. 399.