Ny fiovaovan' ny toetany dia ny fiovana rehetra ao amin' ny lamin-drafitry ny toetany izay maharitra ela kokoa noho ny fiovana eo amin' ny toetrandro. Ny fiovan' ny toetany dia mitranga amin' ny fari-potoana anatin' ny taona ka hatramin' ny antapitrisa taona ary misy fiovana ny antontanisa momba ny toetany maneran-tany na ny toetany isam-paritra. Misy koa ny manao hoe "fiovaovan' ny toetrandro" nefa ny teny hoe "toetrandro" (amin' ny fotoana tsy maharitra, mety ho iray andro na andro maromaro) dia tsy mitovy hevitra amin' ny hoe "toetany" (maharitra am-polony na an-jato taona na mihoatra aza).

Ireo fiovana ireo dia mety ho voajanahary, vokatry ny toetran' ny Tany (fiovana anatiny), vokatry ny zavatra avy ety ivelany na vokatry ny asan' ny olombelona (fiovan' ny toetany ankehitriny vokatry ny fandefasana etona mampihiboka hafanana indrindra amin' ny fampiasana fandrehitra avy any anaty tany).

Niova ny toetany nandritra ny tantaran' ny Tany, miaraka amin' ny fiovan' ny toetany eo anelanelan' ny vanim-potoana jeôlôjika samihafa.

• Toetany

• Toetrandro