ໂຕຕ້ານໄຟຟ້າ ແມ່ນ ສ່ວນປະກອບເອເລັກໂຕຣນິກ ທີ່ມີສອງສົ້ນ ມີໄວ້ເພື່ອເຮັດໃຫ້ຄວາມດັນໄຟຟ້າຫຼຸດລົງ ຕາມ ຫຼັກເກນໂອມ: ${\displaystyle V=IR}$. ຄວາມຕ້ານໄຟຟ້າ ${\displaystyle R}$ ຈະເທົ່າກັບ ການຫຼຸດລົງ ຂອງ ຄວາມດັນໄຟຟ້າ ${\displaystyle V}$ ລະຫວ່າງສອງສົ້ນຂອງໂຕຕ້ານໄຟຟ້າ ຫານໃຫ້ ກະແສໄຟຟ້າ ${\displaystyle I}$ ທີ່ໄຫຼຜ່ານໂຕຕ້ານໄຟຟ້າ. ໂຕຕ້ານໄຟຟ້າ ແມ່ນສ່ວນປະກອບໜຶ່ງ ຂອງ ວົງຈອນໄຟຟ້າ ຫຼື ເອເລັກໂຕຣນິກ.

ໂດຍທົ່ວໄປ ໂຕຕ້ານໄຟຟ້າ ຈະມີແຖບສີ ສະແດງຄ່າຄວາມຕ້ານຂອງມັນ ແຕ່ ບາງອັນກໍ່ສະແດງໂດຍໂຕເລກ.

ການສະແດງຄ່າຄວາມຕ້ານໂດຍສີ່ແຖບສີ ແມ່ນ ວິທີການທີ່ໃຊ້ກັນແບບທົ່ວໄປທີ່ສຸດ. ມັນປະກອບດ້ວຍແຖບສີ່ສີ ໂດຍ ທີ່ສອງສີທຳອິດ ຈະສະແດງເຖິງ ສອງໂຕເລກມີຄວາມໝາຍ ຂອງ ຄ່າຄວມຕ້ານ, ສີທີສາມສະແດງໂຕຄູນກຳລັງສິບ ແລະ ສີສຸດທ້າຍ ສະແດງເຖິງ ຄ່າຜິດດ່ຽງ

ໂຕຢ່າງ, ຂຽວ-ຟ້າ-ເຫຼືອງ-ແດງ ແມ່ນ 56×10⁴ Ω = 560 kΩ ± 2%).

ແຕ່ລະສີ ຈະສະແດງເຖິງໂຕເລກຕາມກຳໜົດ ດັ່ງໃນຕາຕະລາງຕໍ່ໄປນ. ຄ່າຜິດດ່ຽງຂອງ ໂຕຕ້ານໄຟຟ້າສີ່ແຖບ ແມ່ນ 1%, 5%, ຫຼື 10%.

ໂຕຕ້ານໄຟຟ້າຫ້າແຖບ ແມ່ນໃຊ້ສຳຫຼັບ ໂຕຕ້ານໄຟຟ້າທີ່ມີຄວາມຊັດເຈນສູງ ຫຼື ຄ່າຜິດດ່ຽງຕໍ່າ (1%, 0.5%, 0.25%, 0.1%). ສາມແຖບທຳອິດ ສະແດງໂຕເລກ, ແຖບທີສີ່ແມ່ນໂຕຄູນກຳລັງສິບ ແລະ ແຖບສຸດທ້າຍ ແມ່ນ ຄ່າຜິດດ່ຽງ.

ໂຕຕ້ານໄຟຟ້າເທິງແຜງ ຈະມີໂຕເລກສະແດງຄ່າຄວາມຕ້ານພິມໃສ່ ໂຕຢ່າງ:

ໂຕຕ້ານໄຟຟ້າ ນ້ອຍກວ່າ 100 ohms ຈະຂຽນວ່າ: 100, 220, 470. ເລກສູນສຸດທ້າຍສະແດງເຖິງ ກຳລັງສູນ ຂອງ ສິບ ເຊິ່ງ ເທົ່າໜຶ່ງ. ໂຕຢ່າງ:

ບາງເທື່ອ ຄ່າ ອາດຈະສະແດງໂດຍ "10" ຫຼື "22" ເພື່ອຫຼີກລ້ຽງການເຂົ້າໃຈຜິດ.

ໂຕຕ້ານໄຟຟ້າ ນ້ອຍກວ່າ 10 ohms ຈະມີ 'R' ສະແດງເຖິງ ທີ່ຕັ້ງຂອງ ຈຸດ. ໂຕຢ່າງ:

ໂຕຕ້ານໄຟຟ້າຊັດເຈນ ຈະໝາຍໂດຍ ໂຕເລກສີ່ໂຕ ໂດຍທີ່ສາມໂຕເລກທຳອິດສະແດງເຖິງຄ່າ ແລະ ໂຕເລກສຸດທ້າຍແມ່ນໂຕຄູນຂອງກຳລັງສິບ. ໂຕຢ່າງ:

• ກາກບອນປະສົມ
• ຟິມກາກບອນ
• ຟິມບາງແລະໜາ
• ຟິມໂລຫະ
• ເສັ້ນເຄືອບ

ແລະອື່ນໆ