Schagen
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Gemeinte Schagen | |||||
| |||||
| Provincie | Noord-Holland | ||||
| Hoofplaats | Schagen | ||||
| Börgemeister (lies) | Gerrit Westerink (PvdA)[1] | ||||
| Opperflaakde – daovan water |
190,53 km² 11,98 km² | ||||
| Inwoeners – deechde: |
46.422 (1-2-2012) 260/km² | ||||
.svg)
.svg)
Schagen (Wesfries: Skagen) is 'n stad en gemeinte in de Nederlandse provincie Noord-Holland, in Wesfriesland. Ze had op 1 fibberwarie 2012 46.422 18.662 inwoeners (stad en direkte umgeving 18.662) en besleit 'n oppervlak vaan 190,53 km², davaan 11,98 km² water (vaanajds mer 19,32 km², boevaan 0,51 km² water). Traditioneel hure ouch gehuchte Keinse, Tjallewal en Tolke en 'n aontal naobersjappe bij de stad Schagen; wijer besteit de gemeinte oet de dörper, gehuchte en naobersjappe Abbestede, Burgerbrug, Burgervlotbrug, Callantsoog, Dirkshorn, Eenigenburg, Groenveld, Groote Keeten, Kalverdijk, Krabbendam, Oude Sluis, Petten, 't Rijpje, Schagerbrug, Schoorldam (gedeiltelek), Sint Maarten, Sint Maartensbrug, Sint Maartensvlotbrug, Sint Maartenszee, De Stolpen, Stroet, Tuitjenhorn, Valkkoog, Waarland, Warmenhuizen en 't Zand. Besjermheilege vaan Schagen is Sint-Christoffel.
Stadsfuncties
[bewirk | brón bewèrke]Oonder de rouk vaan Alkmaar en Den Helder is Schagen hoegstes e tertair verzörgingscentrum. 't Heet 'n statie aon de lien vaan Amsterdam nao Den Helder.
Stadsgeziech
[bewirk | brón bewèrke]'t Opvallendste is de Merret, mèt dao-op de Groete Kèrk, ein vaan de hiel wienege protestantse kèrke in neogotiek. De katholieke Sint-Christoffelskèrk is ouch neogotisch. 't Slot Schagen, oets in de vieftiende iew door de hiere vaan Schagen aongelag meh later gesloop, heet me herbouwd.
Historie
[bewirk | brón bewèrke]Schagen weurt in d'n twieden hèlf vaan d'n tienden iew veur 't iers geneump es Skagha; 't is dan e gehuch mèt 43 inwoeners. Roond 989 kump e deil aon de abdij vaan Egmond. Schagen heet laank kort bij zie en väöl binnewater gelege. Door de vröchbare groond roontelum Schagen greujde de plaots snel en in 1415 woorte häör stadsrechte verliend. In 1427 verheef Philips de Goje Schagen daobij tot hierlekheid. In d'n tied vaan de Republiek raakde 't get achterop bij ander stei in Noord-Holland, wie Alkmaar, Hoorn en Enkhuizen. Schagen had gein walmör en koelek e steidelek karakter. Veural de biestemerret zörgde nog veur veurspood. D'n agrarische sector is tot deep in de twintegste iew de belaankriekste brón vaan inkomste gebleve.
Per 1 januari 2013 is Schagen oetgebreid mèt de toen opgeheve gemeintes Harenkarspel en Zijpe.
Rifferenties
[bewirk | brón bewèrke]Externe link
[bewirk | brón bewèrke]
| |
|---|---|
|
Aalsmeer · Alkmaar · Amstelveen · Amsterdam · Bergen · Beverwijk · Blaricum · Bloemendaal · Castricum · Den Helder · Diemen · Dijk en Waard · Drechterland · Edam-Volendam · Enkhuizen · Gooise Meren · Haarlem · Haarlemmermeer · Heemskerk · Heemstede · Heiloo · Hilversum · Hollands Kroon · Hoorn · Huizen · Koggenland · Landsmeer · Laren · Medemblik · Oostzaan · Opmeer · Ouder-Amstel · Purmerend · Schagen · Stede Broec · Texel · Uitgeest · Uithoorn · Velsen · Waterland · Wijdemeren · Wormerland · Zaanstad · Zandvoort | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
