STS-134
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
STS-134 (voloet Space Transportation System 134) waor 'n Space Shuttle-missie nao 't International Space Station. De vlöch waor de lèste vaan Space Shuttle Endeavour en de veurlèste vaan alle Space Shuttle-vlöchte. De lancering voond plaots op 16 mei 2011 um 8:56 oor lokalen tied (14:56 oor Nederlandsen tied)[1] en doorde 16 daog[2]. Primair doel vaan de missie waor 't aoflevere vaan de Alpha Magnetic Spectrometer en 'ne ExPRESS Logistics Carrier. Op 1 juni 2011 um 2:35 oor lokalen tied (8:35 oor Nederlandsen tied) landde de Endeavour weer op Kennedy Space Center in Florida.
Bemanning
[bewirk | brón bewèrke]De bemanning bestoont oet 6 persoene: commandant Mark E. Kelly , piloot Gregory H. Johnson , en de missie-specialiste Michael Fincke, Roberto Vittorio (ESA), Andrew J. Feustel en Gregory Chamitoff.
Op 13 januari 2011 woort, nao 't sjeetincident in Tucson, woebei congreslid Gabriella Gifford, de vrouw vaan Mark Kelly, woort neergesjote, 'ne reserve-commandant aongeweze in de vörm vaan Frederick W. Sturckow.[3] Op 4 fibberwarie 2011 gaof Kelly aon tot heer toch zouw vlege es commandant en de training veur de vlöch zouw goon vervolge.[4]
Referenties
[bewirk | brón bewèrke]Text is available under the CC BY-SA 4.0 license; additional terms may apply.
Images, videos and audio are available under their respective licenses.
