Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

E pronoom of veurnaomwoord is e woord wat in de zin in plaots vaan e substantief of in plaots vaan 'n ander zinsdeil mèt e substantief kump en daornao kin verwieze. Es 't zinsdeil boenao 't pronoom verwijs get ieder geneump weurt, weurt dit zinsdeil 't taolkundeg antecedent geneump. 't Pronoom heet evels neet ummer 'n antecedent. In 't veurbeeld Wae haet de computer gebroek? Hae sjteit m'ch al de gansen daag aan (oet 't Remunjs) is hae 't pronoom, en heet dit pronoom ouch 'n antecedent in de veurgaonde zin (de computer). In de zin Hae ies bekènd is 't zinsdeil Hae 'n pronoom, mer ouch 't subjek. 't Pronoom heet hie dus gein antecedent.

In de grammair weure globaal de volgende type pronome oondersjeie:

• 't persoenlek pronoom
• 't weerkierend pronoom
• 't bezittelek pronoom
• 't aonwiezend pronoom
• 't betrèkkelek pronoom
• 't vraogend pronoom