Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.

Massa is 'n natuurkundige grootheid die 'n eigesjap van wieväölheid van materie aangeuf. Veurwirpe die van väöl materjaal zeen gemaak höbben 'n grote massa. Massa weurt oetgedrök in kilogram.

Massa uut zich op twee menere. De eerste meneer is det materie "zjwaor" is. Dit beteikent det materiaal weurt aangetróch door, beveurbeeld, de aerd: ze is óngeverhevig aan gravitatie. De anger meneer is det materie "traog" is, waat beteikent det ze zich verzèt taege verangering van bewaeging. Dees twee versjieningsvörm waere zjwaor massa en traog massa geneump. Zwaor massa kan men maete door de zjwaordekrach op e veurwirp te maete en te vergelieke mit 'n sjtanderdmassa. Traog massa kan men maete door e veurwirp van sjnelheid te verangere, vertraoge of versjnelle, 'n boch laote make en de daoveur beneudigde krach te maete. In de klassieke mechanica zeen de twee massa's versjillende eigesjappe, al höbbe ze dezelfde einheid. In de moderner natuurkunde weurt d'rvan oetgegange det eigentlik mer ein eigesjap massa is. De SI-einheid van massa is de kilogram.