Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.

Mèt d'r term karst werre alle versjiensele bedoeld die te make haant mèt de oplossing va kalksjtèè in water. Karstversjiensele deunt zich uvveraal in de waelt vör mae dat ze ooch in 't Limburgse en in Wallonië vörkaome is minder algemèng gewete.

D'r naam keumt van 't Italiaans, Sloveens, Kroatische typisch karstlaandsjap Kras in 't Sloveens of Krš in 't Kroatisch. Kars betekent oonvruchbare groond. Ooch in Italië is me d'r naam Carso goeë gebroeke vör d'r wienboew-sjrieëk tösje Triëst en Görz. D'r Duutsje naam karst waoërt tensjlotte de internationaal benaming.

Karstversjiensele deunt zich väör in sjtrieëke oeë kalksjtèè an de opppervlakte keumt of neet al te deep in d'r groond zit, en dat aa-getast wert dör chemische verwaering dör de zoer ègensjappe va raegewater.

Karst veroorzaakt ènnige typische landsjapvörm en kenmaerke:

• dolines
• travertin
• grotte
• dröppelsjtèè
• karstpiepe en orgelpiepe
• karstbronne
• Verdwijngate of chantoirs. Kiek aafbeelding hienaeve.