Italica
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Italica is 'n Romeinse sjtad in Sjpanje. De ruïnes liegke in Santiponce, 'n 10-tal km ten noorde va Sevilla.
Historie
[bewirk | brón bewèrke]Wie 't de Romeine gelukt waor um de Karthage oet Sjpanje te verdrieve sjtichde ze in 206 v. Chr. Italica. Italica is de gebaorteplaatsj van keizer Trajanus en van z'ne opvolger Hadrianus, d'r reizende keizer, dae van z'n gebaoërtesjtad 'n welvarende colonia makde.
Later gebroekde de west-Gote Italica es vesting en daonao waoërt 't 'ne bissjopszaeëtel. D'r koms van de More betekende d'r oondergaank va Italica.
EU-erfgood
[bewirk | brón bewèrke]Noe is Italica 'n archeologische site. De opgravinge begonne al in 1781 en werre momenteel och dör de EU mit-betaald. Eedere EU-burger kint de site gratis bezeuke.
- Vöral indrukwekkend is 't amfitheater, dat 'n lengde haat van 160 m en oeë plaatsj waor vör 25.000 bezeukers.
- De tientalle mozaïekvloere (kiek d'r externe leenk) oet d'r tied va Hadrianus zeunt good bewaard blaeve.
- Beelde va Venus en Diana op de site zeunt replica. De origenele zeunt te vinge in 't archeologisch museum va Sevilla.
- 'n Reconstructie van 't Romeins theater liegkt boete de sjtad.
Externe leenk
[bewirk | brón bewèrke]Text is available under the CC BY-SA 4.0 license; additional terms may apply.
Images, videos and audio are available under their respective licenses.
