Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

'ne Banjo is e snaorinstrement meis mit staole snaoren en frette wobie de kamb op e strak-gespanne vel (allewiel meis van kónsstóf) steit. Dees kónstruksje zörg veure karakteristieke klank vanne banjo; de innerzjie waat vriekump bie 't bespele vanne snaore wuuert hieël flot eweggeveurd wodoor de klank kort, meh hel is. De meis-gangbare vorm vanne banjo is de viefsnäörige bluegrass-banjo. De klankkas (of de pot) haet väöl eweg van 'nen tamboerien. Väöl traditioneel banjo's höbben 'n drone-snaor die neet euvere ganse lingdje vanne nak geit.

Hybride instremente mit 'ne klankkas vanne banjo enne nak van 'n anger snaorinstrement zeen. Veurbeeldje hievan zeen de gitaarbanjo, de mandoelienbanjo ennen ukulelebanjo. 't Veurdeil van dees is det me de klank vanne banjo behèltj, meh zich neet ingewikkeldje, anger grepe hoof te lieëren es die waat m'n al bekindj mit es.

De banjo wuuert veural associeerd mit country- en folkmeziek (same mitte fjoeal enne pedal-steelgitaar), meh wuuert allewiel breid toegepas, ouch inne rock- enne popmeziek.