Aobel
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Aubel, in 't Limburgs Aobel, ies 'n dörp en gemeinte in de Belzje provééns Luuk, in 't arrondissement Verviers. De gemeinte haet 'n oppervlak van 18,83 km² en 't aantal inweunersj ies 4056 (1 januari 2005). Aubel liek aan de Berwien en de Bel in 't Land van Herf. Bie de gemeinte huère ouch de dörpkes Sint Jaansert (Saint-Jean-Sart) en De Kloes (La Clouse).
Functies
[bewirk | brón bewèrke]Aubel ies e klein landboewcentrum, bekènd veur zien sjtreekprodukte wie Herfse kiès, beer, sjroap, charcuterie, escargots en cider. Saer 1630 weurt in Aubel op zóndeg 'n weekmert gehouwte, woa ónder andere dees produkte verhandeld were.
Dörpsbeeld
[bewirk | brón bewèrke]
In 't centrum van Aubel liegke nog 'n groat aantal ouw hoezer. De kèrk van Aubel ies gewiejd aan Hubertus. Ze ies in 1910 geboewd in neogotische sjtiel. De kèrktore mèt 'n huègde van 64 maeter domineert 't plaetske.
Binne de gemeinte Aubel liek de Abdij van Val-Dieu, die oorsjprónkelik dateert oet 1216. De geboewe die d'r allewiel sjtoont zint van de 17e en 18e ièw, wiel de abdijkèrk in de 19e ièw heropgeboewd ies in gotische sjtiel.
Historie
[bewirk | brón bewèrke]Aubel wet in 1141 es Albela vör 't örsj geneumd in de archieve va Kloosterrade. De naam Aubel weurt veur 't ièrsj geneump in 1248. In de 13e ièw weurt 'n kapel gewiejd aan de heilige Hubertus geboewd. In 1395 weurt 't plaetske 'n parochie. Vanaaf 1630 kriet Aubel de toesjtumming um eder week mert te houwte.
Gebaore
[bewirk | brón bewèrke]- Simon Pieter Ernst, gebaore op 2 augustus 1744, haof Bruynenmorgen. Augustienerkannunik in Kloosterrade, later Rolduc.
Externe link
[bewirk | brón bewèrke]
|
Commons: Category:Aubel – Media gerelateerd aan dit óngerwerp |
| |
|---|---|
| Deilgemeintes en dörper: De Kloes (Belsj) · S'n Jansert | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
