La divide licopodio (acc licopodiofita,) es un sugrupo traceofita de la rena de plantas. Algas nomi los moses, de la aspeta de alga licopodios, ma los no es moses vera, cual es plantas nonvasculal. Lo es un linia la plu vea de plantas vasculal esistente e conteni plantas estinguida como la baraguanatia cual ia es datida de la periodo silurian (sirca 425 milion anio ante aora). Esta spesies reprodui par sperde sporas e ave alternas macroscopial de jeneras (aploide e diploide), an si algas es omosporosa (con sporas de un grandia) cuando otras es eterosporosa (con sporos grande e peti - simil a la ovo e sperma en animales). La plu de membros de licopodios ave protosteles (silindres sentral simple en la talos), e la jenera de sporofitas (selulas duploide) es dominante. Los difere de tota otra plantas vasculal par ave microfilos (folias con sola un vena) en loca de la megafilos multe plu complicada trovada en filises e plantas con semes.

• Licopodiopsida
  • Licopodiala
  • Drepanoficala †
• Isoetopsida
  • Selaginelala
  • Lepidodendrala †
  • Pleuromeiala †
  • Isoetala