La intestin magra es un organo en la duto gastrointestinal do la plu de asorbe de nurintes e minerales de comedas aveni. Lo es situada entre la stomaco e la intestin spesa, e reseta bile e enzimas de la duto pancreasal per aida la dijesta. La intestin magra ave tre sesiones distinguida: la duodeno, la jejuno, e la ileo. La duodeno, la plu corta, es do la prepara per asorbe comensa, par protendes peti ditin nomida vilos. La jejuno spesiali en asorbe tra sua fore par enterosites de particulos peti de nuri cual ia es a ante dijestada par enzimas en la duodeno. La funsion xef de la ileo es la asorbe de vitamina B12, sales de bile, e cualce produidas de dijesta cual no ia e asorbeda par la jejuno.

La longia de la intestin magra en umanas pote varia multe, de tan corta como 2.75 m a tan longa como 10.49 m. La diametre es sirca 1.5 cm a nase e 2.5 a 3.0 cm en adultes. La area de la surfas de la membrana mucosa en un adulte es sirca 30 m, la resulta de la multe plias, vilos, e microvilos.