Ienas (de la elinica ὕαινα) es mamales carnivor felidin de la familia Hyaenidae. Con sola cuatro spesies esistente (en tre jeneros), lo es la familia sinco de la plu peti familias en la Carnivora, e un de la plu peti en la clase Mammalia. An si lo no es multe diversa, ienas es composantes unica e vival de la plu de ecosistemes african.

An si los es plu prosima a la felidos par jenetica, como un parte de suordina Feliformia, ienas es plu simil morfolojial e en condui a la canidos, en alga elementos de evolui converjente. Ienas e canidos es xasores corente, no asende arbores, e catura sua preda con sua dentes en loca de sua garas. Ambos come rapida e pote reserva comedas, e sua pedes calosa con garas grande, nonagu, e nonretirable adatada per core e turnas agu. Ma la abituas, cura personal, marca con odor, cortea, e condui ante pare e plu simil a la condui de la felidos.

Ienas ave roles sinifiante en la folclor e mitolojia de cultures de popla cual abita prosima a los. Ienas es comun regardada como asustante e meritante despeta. En alga cultures, ienas es crededa como influe la spiritos de persones, fura de enteras, e catura bestias e enfantes. Otra cultures asosia los con sorsoria, e usa partes de sua corpos en medisin tradisional african.

Hyaenidae

• Protele (Proteles cristatus)
• Iena manxada (Crocuta crocuta)
• Iena brun (Parahyaena brunnea)
• Iena bandetosa (Hyaena hyaena)