Er
Er Éire Ireland | |||
![]() |
![]() | ||
![]() | |||
Informa jeneral | |||
Capital: | Dublin | ||
Lingua ofisial: | Engles e eres | ||
Dirije | |||
Governa: | Republica parlamental | ||
- Xef de stato: | Presidente Michael D. Higgins | ||
- Xef de governa: | Ministro xef Enda Kenny | ||
Otras | |||
Area: | 70 273 km² | ||
Popla: | 4 593 100 | ||
Densia: | 65,3 | ||
PIB: | US$ 192 223 milion | ||
Mone: | Euro | ||
Zona de ora: | WET (UTC ±0) | ||
Numero de telefon: | +353 | ||
Interede: | .ie | ||
![]() |
Er es un pais en Europa.
La area es sirca 70 280 cilometres cuadrida.
La cuantia de abitores, en la anio 2006, ia es sirca 4 062 235 persones.
La site capital es Dublin ("Baile atha Cliatha" en eres).
La linguas major es engles e eres.
La stato ia es creada como la Stato Libre Eres en 1922 como resulta de la Trata Engles-Eres. Lo ia es un "domina brites" asta 1937 cuando un constituida nova ia es adotada en cual la stato ia es nomida "Er" e ia deveni un republica, con un presidente sin potia de esecuta, elejeda como xef de stato. Lo ia es ofisial declarada como un republica en 1949, seguente la Ata de la Republica de Er de 1948. Er ia deveni un membro de la Nasiones Unida en desembre 1955 e ia junta se a la Comunia Economial European en 1973. La stato no ia ave relatas con Era Norde en la plu de la sentenio 20, ma en la desenios de 1980 e 1990 la governas brites e eres ia labora con la partitos de Er Norde en dirije a un solve de la Gera de Er Norde (the Troubles). De pos la suscrive de la Acorda de Venerdi Santa en 1998, la governa eres e la potia de esecuta de Er Norde coopera en areas political diversa su la Consilio Ministral creada per la Acorda.
Jeografia
[edita | edita la fonte]La isola de Er ave 84 421 cilometres cuadrida e la plu es de la Republica de Er.
Linguas
[edita | edita la fonte]Eres es la lingua nasional seguente la Constitui, ma engles es la lingua dominante. Vide Eres (lingua)
Leteratur
[edita | edita la fonte]La isola de Er es conoseda per la Libro de Kells, un manoscrito fada par monces celta en la anio 800. Lo es un de la vestijios la plu importante de la arte relijial medieval. Lo es scriveda en latina e conteni la cuatro Evanjelios.
La poesia eres es la poesia demotica la plu vea en Europa. La esemplo la plu temprana es de la sentenio 6 e es obras peti sur temas relijial o natural. Lo ia es scriveda par scrivores en la manoscritos luminada cual los ia copia.
Scrivores como Jonathan Swift, Laurence Sterne, Brendan Behan, Douglas Hyde, Flann O'Brien, Sheridan Le Fanu, Sean O'Casey, George Berkeley, James Joyce, George Bernard Shaw, Richard Brinsley Sheridan, Oliver Goldsmith, Oscar Wilde, Bram Stoker, W. B. Yeats, Samuel Beckett, Seamus Heaney, Herminie T. Kavanagh, C. S. Lewis e otras ia nase en Er.
Relijio
[edita | edita la fonte]Cristianisme es la relijio xef en Er. La eglesa xef es la Eglesa Catolica: 86,8% de la popla es catoliciste. La catolicisme ia es introduida par San Patricio. En 1995, pos es proibida tra 70 anios, la divorsa ia es denova legalida. La catolicisme es ance un simbol de identia nasional.
La eglesa du es la Eglesa de Er. Iudis vive en Er de la eda medieval.
Text is available under the CC BY-SA 4.0 license; additional terms may apply.
Images, videos and audio are available under their respective licenses.