Antigua e Barbuda
| |||
Imno: Fair Antigua, We Salute Thee | |||
![]() |
Antigua e Barbuda es un pais locada entre la Mar Caribe e la Mar Atlantica. Lo es formida par du isolas xef: Antigua e Barbuda, e otra isolas plu peti (incluinte la isolas de Great Bird, Green, Guinea, Long, Maiden e York e, plu sude, la isola de Redonda). La area es sirca 442,6 cilometres cuadrida e la capital es Saint John's, locada en la isola de Antigua.
La cuantia de abitores, en la anio 2007, ia es sirca 69 481 persones.
Etimolojia
[edita | edita la fonte]Antigua en espaniol sinifia "antica" e Barbuda es "barbida". La isola de Antigua, orijinal nomida Wa'ladli par la arauaces, oji es nomida Wadadli par la abitores. La caribes ta nomi lo Wa'omoni. Cristoforo Colombo, en cuando ia naviga sirca en 1493 ta nomi lo Santa Maria la Antigua, per un icon de la catedral de Sevilia, en Espania.
Divides manejal
[edita | edita la fonte]![map of parishes of Antigua](https://upload.wikimedia.org/wikipedia/commons/thumb/5/5e/Antigua_parishes_english.png/220px-Antigua_parishes_english.png)
Antigua e Barbuda es divideda en ses parocias e du dependes:
- Parocias
- Saint George
- Saint John
- Saint Mary
- Saint Paul
- Saint Peter
- Saint Philip
- Dependes
- Barbuda
- Redonda
Nota: An si Barbuda e Redonda es nomida dependes, los es partes importante de la stato. Dependes es sola un titulo.
Sites
[edita | edita la fonte]A su on pote trova un lista de la des sites plu grandes.
- Saint John's 22,634
- All Saints 3,412
- Liberta 2,239
- Potter's Village 2,067
- Bolans 1,785
- Swetes 1,573
- Seaview Farm 1,486
- Pigotts 1,363
- Parham 1,276
- Clare Hall 1,273
Governa
[edita | edita la fonte]La politica de Antigua e Barbuda aveni en la strutur de un monarcia democrata representante, parlamental e unida, en cual la Xef de Stato es la re ci asinia la Governor Jeneral como la representor visreal. La rea Elizabeth 2 es la rea de Antigua e Barbuda de la nondepende de la isolas de Rena Unida en 1981. El es representada par la governor Sir Rodney Williams. Un Consilio de Ministros es nomida par la Governor Jeneral sur la consela de la Ministro Xef, oji Gaston Browne (2014-). La Ministro Xef es la xef de governa.
Economia
[edita | edita la fonte]Turisme es la parte xef de la economia. Lo es plu ca la media de la produi interna bruta. Antigua es famosa per sua vacanserias de luso. Servis finansial es ance importante.
Lingua
[edita | edita la fonte]Engles es la lingua ofisial ma multe abitores parla la creol antiguan. La dialeto fonetical de Barbuda es un pico diferente de la de Antigua.
Antilies | model | ||
Paises autonom | Aiti | Antigua e Barbuda | Bahamas | Barbados | Cuba | Dominica | Grenada | Guadelupe | Jamaica | Martinic | Porto Rica | Republica Dominican | San Kitts e Nevis | San Lusia | Trinidad e Tobago | ||
Dependes | Anguila | Antiles Nederlandes | Aruba | Bermuda | Isola Navasa | Isolas Caiman | Isolas Virjin | Montserat | Turcs e Caicos |
Text is available under the CC BY-SA 4.0 license; additional terms may apply.
Images, videos and audio are available under their respective licenses.