Vizille
Land	Frankräich
Regioun	Auvergne-Rhône-Alpes
Departement	Isère
Arrondissement	Grenobel
Kanton	Oisans-Romanche
Postcode	38220
Gemengecode	38562
Koordinaten	45° 02’ 40’’ N       05° 27’ 43’’ W
Fläch	10,51 ha
Bevëlkerung	7 465 (1999)

Vizille ass eng franséisch Gemeng a Stad am Departement Isère, an der Regioun Auvergne-Rhône-Alpes.

Vizille huet eng Fläch vun 10,51 km² an hat 1999 26.761 Awunner.

Vizille war eng befestegt Uertschaft, déi Oppidum Antiquum housch. No der réimescher Eruewerung gouf eng Strooss derduerch gebaut, déi vu Suze op Grenobel goung. Mä d'Allobrogen, déi do gewunnt hunn, hunn de Réimer de Passage méi wéi eemol streideg gemaach.

Geschwënn awer gouf d'Oppidum zur Castra Vigiliae, engem Militärposten um Kiem. Am 10. Joerhonnert huet se zum Deel der Abtei vu Cluny gehéiert. Vizille gouf an de Reliounskricher vun de Protestanten besat, fir dann nees un d'Katholicken zeréckzegoen.

Bekannt ass Vizille virun allem doduerch, datt do den 21. Juli 1788 déi dräi Stänn zesummekoumen. Déi als Assemblée de Vizille bekannt Versammlung, déi vu biergerlechen Notabelen aus der Géigend vu Grenobel zesummegeruff gi war, bestoung aus 50 Vertrieder vum Klerus, 165 Adelegen an 276 Vertrieder vum Drëtte Stand. Si hu gefuerdert, datt d'Generalstänn aberuff sollte ginn, an datt do jiddwereen eng Stëmm hätt (an net just all Stand).

 Méi Informatioun doriwwer am Artikel: Franséisch Revolutioun.

• Musée de la Révolution française

• Alain Carignon, Buergermeeschter vu Grenobel an zweemol Minister an der Fënnefter Republik.

• Venaria Reale (Italien)
• Vöhringen (Däitschland).

• Departement Isère
• Arrondissementer am Departement Isère
• Kantonen am Departement Isère
• Lëscht vun de Gemengen am Departement Isère

Commons: Vizille – Biller, Videoen oder Audiodateien

• Site vun der Stad Vizille
• De Musée de la Revolution française