Nationalstrooss 14
D'Nationalstrooss 14 oder N14 ass eng lëtzebuergesch Nationalstrooss, an de Kantone Gréiwemaacher, Iechternach, Miersch an Dikrech. Si geet aus vun der N1 a féiert bis op Dikrech.
Si huet hiren Ufank un der N1 am Weckergronn a geet duerch Wecker, Biwer, Buddelerbaach a Beidler bis se op d'N11 stéisst, mat där se e kuerzt Stéck zesumme viru geet.
Zu Grolënster geet se no lénks vun der N11 fort an dann duerch de Blummendall, duerch Reiland, Hiefenech, Fiels bis op Miedernach. Viru Miedernach deelt se sech an d'N14 an d'N14A. Hanner Miedernach stéisst d'N14A nees op d'N14. D'N14A besteet gréisstendeels aus engem alen Deel vun der N14, ier et de Contournement laanscht de Renkebierg gouf.
Se geet da weider laanscht Steeën bis op Dikrech, wou se kuerz no der Sauerbréck op der N7 erauskënnt.
D'N14 ass am Ganzen zirka 32 km laang.
Um Spaweck
[änneren | Quelltext änneren]| Commons: Route nationale 14 (Luxembourg) – Biller, Videoen oder Audiodateien |
Nationalstroossen am Kanton Gréiwemaacher | |
|---|---|
| Aktuell Nationalstroossen | |
| Fréier Nationalstroossen | |
| Kuckt och | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
