Jacques Demy
Gebuertsnumm	Jacques Louis Raymond Marcel Demy
Gebuer	5. Juni 1931 Pontchâteau
Gestuerwen	27. Oktober 1990 14. Arrondissement
Doudesursaach	AIDS
Nationalitéit	Frankräich
Educatioun	École Louis-Lumière
Aktivitéit	Dréibuchauteur, Dialogauteur, Liddertexter, Filmproduzent, Schauspiller, Regisseur, Filmregisseur
Famill
Bestuet mat	Agnès Varda
Kanner	Mathieu Demy

De Jacques Demy ass de 5. Juni 1931 zu Pontchâteau an der Loire-Atlantique a Frankräich op d'Welt komm. Hien ass de 27. Oktober 1990 zu Paräis un enger Gehierbluddung gestuerwen. Hie war e franséische Filmregisseur, Schauspiller, Dréibuchauteur, Dialogist a Produzent. E war mat der Agnès Varda, enger franséischer Filmregisseurin bestuet. De Schauspiller Mathieu Demy ass dem Jacques Demy säi Jong..

D'Agnes Varda huet als Erënnerung un hire Mann dräi Filmer gedréint: Jacquot de Nantes (1991), Les demoiselles ont eu 25 ans (1993) a L'univers de Jacques Demy (1995).

Mat dem Film Lola huet de Jacques Demy der Schauspillerin Anouk Aimée e Monument gesat.

De Film Les parapluies de Cherbourg huet iwwerrascht, de ganze Film gëtt nëmme gesongen. D'Musek zu den Dialogen huet de Michel Legrand geschriwwen.

Säi nächste Film Les demoiselles de Rochefort ass en Hommage un damerikanesch Museksfilmer aus de 50er Joren awer duerch de Brëll vun engem Fransous gekuckt.

En aussergewéinleche Mäerchefilm ass Peau d'Ane (nom Charles Perrault), vum Sujet hier vläicht net ganz gelongen, dofir sinn d'Fotoen, d'Dekoren an d'Kostümer einfach fantastesch a wonnerschéin.

The Pied Piper spillt och an der Mäerchewelt, am Contraire vu Peau d'Ane ass deese Film awer ganz omheemlech a voll Raten an däischter Persounen.

Mat Une chambre en ville beweist de Jacques Demy erëm eng Kéier datt hien et verstanen huet d'Schauspillerinne vun hirer schéinster Säit ze weisen. Wann de Film inhaltlech och net ganz gelongen ass, sou gëtt hien der Dominique Sanda eng vun hire schéinste Rollen.

• 1955: Le sabotier du val de Loire
• 1957: Le bel indifferent mam Jeanne Allard an Angelo Bellini
• 1958: Musée Grévin mam Michel Serrault
• 1959: Ars
• 1961: Lola mam Anouk Aimée an Elina Labourdette
• 1962: Les sept péchés capitaux (Sketch: La luxure) mam Claude Berri a Jean-Claude Brialy
• 1963: La baie des anges mam Jeanne Moreau a Claude Mann
• 1964: Les parapluies de Cherbourg mam Catherine Deneuve an Nino Castelnuovo
• 1967: Les demoiselles de Rochefort mat den zwou Sëschteren Catherine Deneuve a Françoise Dorléac
• 1968: Model Shop mam Anouk Aimée a Gary Lockwood
• 1970: Peau d'âne mam Catherine Deneuve a Jean Marais
• 1972: The Pied Piper oder (The Pied Piper of Hamelin) mam Donald Pleasence, Roy Kinnear an Donavan
• 1972: L'événement le plus important depuis que l'homme a marché sur la Lune mam Catherine Deneuve a Marcello Mastroianni
• 1978: Lady Oscar mam Catriona Mac Coll a Barry Stokes
• 1980: La naissance du jour mam Jean Sorel an Dominique Sanda
• 1982: Une chambre en ville mam Dominique Sanda an Danielle Darrieux
• 1985: Parking mam Jean Marais a Laurent Malet
• 1988: La table tournante mam Mathieu Demy an Anouk Aimée
• 1988: Trois places pour le 26 mam Yves Montand a Catriona Mac Coll

• Le bel indifférent (1957)
• Les quatre cents coups (1959)
• Paris nous appartient (1960)
• Les parapluies de Cherbourg (1964)
• Peau d'âne (1970)

• Lëscht vu Filmregisseuren

Commons: Jacques Demy – Biller, Videoen oder Audiodateien