Gemeng Monnerech
| Gemeng Monnerech | |
|---|---|
 | |
 d'Gemengenhaus vu Monnerech | |
| Aussprooch | |
| An anere Sproochen |
fr: Mondercange de: Monnerich |
| Land | Lëtzebuerg |
| Kanton | Kanton Esch-Uelzecht |
| Chef-lieu | Monnerech |
| Buergermeeschter | Jeannot Fürpass (CSV) |
| Awunner | 7.274 |
| 1. Januar 2024 | |
| Fläch | 2.140 ha |
| Héicht | 290 m |
| Koordinaten |
49° 31’ 55’’ N 5° 59’ 20’’ O |
| LAU-Code | LU0208 |
| Websäit | https://www.mondercange.lu/ |
 | |
 | |
D'Gemeng Monnerech ass eng vun den 100 lëtzebuergesche Gemengen. Se läit am Kanton Esch-Uelzecht. De Chef-lieu vun der Gemeng ass d'Uertschaft Monnerech vun där se och hiren Numm huet.
Geographie
[änneren | Quelltext änneren]D'Gemeng Monnerech läit am Süde vu Lëtzebuerg op enger Héicht tëscht zirka 275 an 340 m (NG-L).
Nopeschgemenge si Reckeng op der Mess a Leideleng am Norden, Beetebuerg am Osten, Schëffleng an Esch-Uelzecht am Süden a Suessem am Westen.
Duerch d'Gemeng lafen d'Baache Mierbech, Bréckenderbaach, Kiemelbaach, Kazebaach, d'Mess an och d'Uelzecht op engem kuerze Stéck.
Uertschaften an der Gemeng [1]
[änneren | Quelltext änneren]Häff a Lieu-diten an der Gemeng
[änneren | Quelltext änneren]Verkéier an Transport
[änneren | Quelltext änneren]Déi wichtegst Stroosseverbindunge sinn d'A4 an d'N13, op engem kuerze Stéck och nach d'A13. Ausserdeem lafen nach d'Chemin reprisen 106, 164, 169 an 172 duerch d'Gemeng.
D'Gemeng Monnerech läit um Wee vun den RGTR-Linnen 612, 641, 750 an der TICE-Linn 17.
Aktivitéitszonen
[änneren | Quelltext änneren]D'Aktivitéitszon ZARE läit laanscht d'A13 zu engem klengen Deel um Gebitt vun der Gemeng Monnerech. Zu Féiz ass zu béid Säite vum CR164 eng grouss Geschäfts- an Aktivitéitszon.
Geschicht
[änneren | Quelltext änneren]D'Entwécklung vun der Siderurgie géint Enn vum 19. Joerhonnert, déi Nopeschuertschafte wéi Esch-Uelzecht, Déifferdeng oder Diddeleng a richteg Stied verwandelt huet, hat kaum Afloss op d'Uertschaften aus der Gemeng Monnerech. Dës Dierfer blouwen duerch den Akerbau gekennzeechent. Eréischt nom Zweete Weltkrich a virun allem an den 1970er an 1980er Jore gouf et eng reegelrecht Bevëlkerungsexplosioun.
Entwécklung vun der Awunnerzuel
[änneren | Quelltext änneren]
Quell:STATEC
Wopen
[änneren | Quelltext änneren]|
|
Beschreiwung am Originaltext: coupé d'or et d'argent, à la fasce de gueules brochant, accompagné en chef d'une rose à six feuilles de gueules entre deux étoiles du même, en pointe d'une porte ouverte du même. |
Politik
[änneren | Quelltext änneren]De Gemengerot vu Monnerech gëtt nom Proporzsystem gewielt. E setzt sech aus 13 Conseilleren zesummen.
Zesummesetzung
D'Majoritéitskoalitioun am Gemengerot ass fett geschriwwen
| Joer | ADR | CSV | DP | gréng | LSAP | PPL |
|---|---|---|---|---|---|---|
| 1999 | 1 | 4 | 3 | 1 | 4 | - |
| 2005 | 1 | 4 | 2 | 1 | 5 | - |
| 2011 | 0 | 3 | 2 | 1 | 7 | - |
| 2017 | - | 5 | 2 | 1 | 5 | - |
| 2023 | - | 6 | 2 | 0 | 4 | 1 |
Quell: Inneministère / RTL.lu / elections.lu
Buergermeeschteren
[änneren | Quelltext änneren] Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.
|
- ...
- 1844: Pierre Steichen[2]
- ...
- 1945: P. Bicheler[3]
- ...
- Nov. 1984 - Feb. 1993: Theo Wernimont
- 1993 - 1998: Camille Medinger (CSV)
- ...
- ... - 2005: Jean-Claude Schanen
- 2005 - Dez. 2012: Dan Kersch (LSAP)
- Jan. 2013 - 2017: Christine Schweich (LSAP)
- zanter 2017: Jeannot Fürpass (CSV)
Interkommunal Syndikater
[änneren | Quelltext änneren]D'Gemeng Monnerech ass Member vu follgenden interkommunale Syndikater:
|
Kuckeswäertes
[änneren | Quelltext änneren]- Zu Monnerech um CR106 ass déi eenzeg Karting-Pist am Land
- De Formatiounszenter vun der FLF läit och um CR106 nieft der Karting-Pist
Literatur
[änneren | Quelltext änneren]- Weber, John: La population de Mondercange de 1766 à 1803 - In: 100 Joer Pompjeën Monnerech: 1901 - 2001. - Monnerich: Sapeurs-pompiers, 2001. - P. 128-141, tabl.
Kuckt och
[änneren | Quelltext änneren]- Lëscht vun den nationale Monumenter an der Gemeng Monnerech
- Uergel Kierch Monnerech
- Kierch Monnerech
- Lëscht vun de Lëtzebuerger Gemengen
- Entwécklung vun der Gemengenzuel zu Lëtzebuerg
Um Spaweck
[änneren | Quelltext änneren]| Commons: Monnerech – Biller, Videoen oder Audiodateien |
- Offiziell Säit vun der Gemeng Monnerech
- D'Gemeng Monnerech op der Websäit vum Syvicol
- Offiziell Säit vun de Pompjeeë vu Monnerech
- Monnerecher Schoulen
Referenzen
[Quelltext änneren]- ↑ D'Nimm vun den Uertschaften entspriechen deenen déi de Kadaster, unhand vu sengen Attributiounen déi am Gesetz vum 25. Juli 2002 portant réorganisation de l’administration du cadastre et de la topographie festgehale sinn, opgestallt huet, an déi am «Registre national des localités et des rues» opgezielt sinn. Häff a Lieu-diten sinn déi localités wéi se zousätzlech am Annuaire officiel d'Administration et et de législation 2000 ënner III. Annexes opgelëscht sinn.
- ↑ ARRÊTÉ ROYAL GRAND-DUCAL, du 29 décembre 1843, n°2926f, portant nomination des Bourgmestres et Echevins des villes, et des Bourgmestres des campagnes du Grand-Duché am Memorial N°3 vun 1844
- ↑ Memorial A N° 4 vun 1946 mam Avis: Administrations communales. COMPOSITION DES COLLEGES ECHEVINAUX Archivéiert de(n) 2016-03-28. Gekuckt de(n) 2015-11-05.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
