Eric Falchero
| Eric Falchero | |
|---|---|
 |
Den Eric Falchero ass e lëtzebuergesche Museker. Hien ass e Multiinstrumentalist mam Piano als Haaptinstrument.
Hien ass Member an de Gruppe Legotrip, Dream Catcher a Krunnemécken an huet bei der fréierer Grupp T42 gespillt.
Liewen
[änneren | Quelltext änneren]Als Kand huet den Eric Falchero Trompett geléiert, duerno koumen nach aner Instrumenter derbäi, wéi den Akkordeon, d'Gittar an d'Mandolin.[1]
An den 1990er bis 2005 war den Eric Falchero bei T42 aktiv, eng vun den erfollegräichste lëtzebuergesche Bands an där Zäit. Duerno ass hien och an dem T42-Sänger John Rech senger anerer Formatioun aktiv ginn, déi och vill Succès sollt hunn: Dream Catcher. An der zweeter Hallschent vun den 1990er an de fréien 2000er war hien och en Member vun Djuju.[2],[3]
2001 huet hien d'Grupp Zap Zoo matgegrënnt an ëm déi Zäit och d'Emissioun All Aboard iwwer d'Lëtzebuerger Rockzeen op RTL Radio Lëtzebuerg moderéiert.[3] Vun 2011 un huet hie bei Legotrip gespillt an zesumme mam Serge Tonnar grouss Erfolleger op Lëtzebuergesch gefeiert.[4]
Den Eric Falchero souz an der Jury, déi beim Lëtzebuerger Filmpräis 2005 iwwer déi bescht Filmmusek entscheet huet.
2008 huet hie mat der kuerzlieweger Formatioun fal'{CER}o d'EP He's Lost an zwee Joer drop op dem RTL-Album Planet Lëtzebuerg Reloaded d'Lidd D'Zigarett erausbruecht.[5]
Ëm 2010 huet hien zesumme mam Ben Claus den Duo Krunnemécke gegrënnt, mat deem si traditionell lëtzebuergesch Lidder op der Ziharmonika spillen. Donieft begleet hien och heiansdo d'Dëppegéisser bei hiren Optrëtter.[1],[6]
An den 1990er huet hie Schoulmeeschter um ISERP geléiert an duerno op der neier Uni Lëtzebuerg Coursë ginn.[1] Den Eric Falchero bitt Coursë fir Léierpersonal un, fir Musek an der Primärschoul anzesetzen. Hie schafft nach ëmmer op der Uni Lëtzebuerg.[7]
Referenzen
[Quelltext änneren]- ↑ 1,0 1,1 1,2 Portrait vum Eric Falchero an der RTL Art Box (28. September 2019)
- ↑ tageblatt.lu: Djuju forever! vum René Hoffmann (7. August 2013)
- ↑ 3,0 3,1 land.lu: Ein Rockbüro in Luxemburg vum Eric Falchero (3. Mee 2001)
- ↑ 100komma7.lu: Enn vu Legotrip: "Et war eng besonnesch Dynamik" (10. Dezember 2019)
- ↑ fal'{CER}o op rateyourmusic.com
- ↑ Concert vun den Dëppegéisser op philharmonie.lu
- ↑ lessentiel.lu: Étudier la musique pour pouvoir l'enseigner (27. September 2021)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
