Whangarei

Res apud Vicidata repertae:

Civitas: Nova Zelandia
Locus: 35°43′30″S 174°19′25″E
Numerus incolarum: 52 600, 50 784, 54 400
Zona horaria: UTC+12, UTC+13:00

Gestio

Procuratio superior: Whangarei District

Geographia

Superficies: 57.06 chiliometrum quadratum

Whangarei est urbium Novae Zelandiae borealissima, sub monte Parihaka ad oras illius sinus maritimi iacens qui portus Whangarei^(en) appellatur. Ibi homines fere 57 700 anno 2017 habitare censentur.

Tribus Ngāpuhi Maoriensis in pago Whangareiensi a saeculo XIX incipiente habitabat. Ad ostia portus advehens Iacobus Cook navis Endeavour dux anno 1769 regionem primus Europaeorum observavit piscesque multos speciei Pagri aurati deliciosos hic cepit. Coloni pauci Scoti hoc loco ab anno 1839 habitaverunt sed anno 1845 inimicitia Maorianorum incitata effugerunt. Ab annis 1850 agricultores plures redire incipiebant. Oppidum anno fere 1855 conditum est e quo gummi kauri arboris Agathis australis lignumque aliarum arborum, mox insuper carbo, later, caementum navibus exportabantur. Via ferrea ab Aucopoli incipiens oppidum Whangarei anno 1925 attigit. Dignitas urbis anno 1964 data est, numero incolarum fere 30 000 completo.

• Winston Peters, politicus, hic anno 1945 natus

• W. F. Parkes, Guide to Whangarei City and District. 1992
• Nancy Preece Pickmere, Whangarei: The Founding Years. 1986

Vicimedia Communia plura habent quae ad Whangarei spectant (Whangarei, Whangārei).

Situs geographici et historici: Locus: 35°43′30″S 174°19′25″E • GeoNames

• Situs regiminis pagi Whangarei

Despectus in urbem portumque Whangarei e monte Parihaka