Virgo Candelariae
Virgo Candelariae[1] (Hispanice Nuestra Señora de la Candelaria o Virgen de Candelaria) est patrona Canariarum Insularum.[2][3] Statua in basilica homonyma in communi Candelaria invenitur, 20 km a Sancta Cruce Nivariae meridie versus distanti. Haec basilica, ab Henrico Marrero Rigalado architecto autochthono designata et prope oram maris aedificata, est locus peregrinationis insularum omnium Canariarum.
Virgo Candelariae est Madonna nigra, quae ornamentis aureis copiose decorata in aedicula principalis basilicae altaris conlocatur, fidelibus proponitur, qui cottidie post missam ad virginem venerandam ad altare advenire possunt.
Statua Gothica centum annos ante adventum Hispanorum a duobus Guanchus, ut aborigenes appellantur, ad litus invenisse dicitur, tunc nomine Chaxiraxi culta. Anno 1599, Clemens Papa VIII eam patronam Insularum Canariarum declaravit.[4][5][6] Anno 1867 Pius Papa IX eam principalem insularum Canariarum archipelagus patronam declaravit.[7][8][9]
Statua fluctibus procellaque ex capella, ubi per 300 annos servata erat, die 7 Novembris 1826 abrepta est. Sculptori Hispanico Ferdinando Estévez a fratribus ordinis Praedicatorum mandatum est ut exemplar originali simile efficeret. Anno 1830 consecrata et in antiquam Ecclesia Virginis Candelariae conlocata est.
Nomen Candelaria[10] est nomen mediaevale ad litteram festum candelarum (hodie: Festum in Praesentatione Domini) valens.
Etsi dies festus Beatae Mariae Virginis Candelariae una cum tota Ecclesia Catholica die 2 Februarii celebratur, etiam die 15 Augusti (in die Assumptionis BMV) apparitio eius celebratur. Hoc die multitudo peregrinorum ad patronam floribus venerandam accurrit.[11]
Benedictus Papa XVI Sanctuarium Beatae Mariae Virginis Candelariae Basilicam Minorem nominavit.[12]
Nexus interni
Notae
[recensere | fontem recensere]- ↑ Fons nominis.
- ↑ Conferentia Episcopalis Hispaniae.
- ↑ Bernardus Álvarez Afonso, Sermo episcopi electi dioecesis Nivariensis.
- ↑ Jesús Mendoza rector de la basílica, la Virgen de Candelaria es la Patrona de Canarias.
- ↑ Patrona del archipiélago Canario Sitio web de las Siervas de los Corazones Traspasados de Jesús y María.
- ↑ Pregón de las fiestas de la Virgen del Pino de 2004 a cargo de Juan Artiles Sánchez, Vicario de la Diócesis Canariense.
- ↑ Jesús Mendoza rector de la basílica, la Virgen de Candelaria es la Patrona de Canarias.
- ↑ Patrona del archipiélago Canario Situs "de las Siervas de los Corazones Traspasados de Jesús y María."
- ↑ Pregón de las fiestas de la Virgen del Pino de 2004 a cargo de Juan Artiles Sánchez, Vicario de la Diócesis Canariense apud situm teror.es.
- ↑ Cf. Du Cange: "Candelaria: Festum Purificationis B. Mariae" (p. 820).
- ↑ Eventus in municipio Candelaria.
- ↑ Título y dignidad de Basílica para la iglesia de la Patrona de Canarias, apud situm eldia.es.
Nexus externi
[recensere | fontem recensere]- De Dioecese Nivariensi apud situm obispadodetenerife.es (Hispanice)
- Basilica Virginis Candelariae
 |
Haec stipula ad religionem spectat. Amplifica, si potes! |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
