Villa
Villa est domicilium rusticum, antiquitate plerumque fundum comprehendens. In media Latinitate vocabulum oppidum vel etiam urbem significare coepit (confer Francogallicum ville).[1]
Roma antiqua
[recensere | fontem recensere]
Descriptiones pretiosarum villarum Romanarum praecipue apud Varronem, Columellam, ac Vitruvium reperiuntur. Secundum Columellam, "modus autem membrorumque numerus aptetur universo consaepto et dividatur in tres partes, urbana, rusticam, fructuariam".[2]
Medium Aevum
[recensere | fontem recensere]Medio Aevo villa generis Romani minus usitata erat; in loco plures nobiles domicilia munita (castella) struxerunt, et villae minime munitae praecipue Francogallicae, saepe castella (Francogallice château) nominantur (e.g. Castellum Versaliense).
Novum Aevum
[recensere | fontem recensere]
Novo Aevo maiorum divitiarum et salutis causa nobiles villas luxuriosas sine munitione struere coeperunt. Usad'ba Russica saeculorum XVIII et XIX, i.e. palatium vel domus familiae nobilis aut regalis сum hortis et aedificiis adstructis, e.g. Tsaritsyno et Archangel'skoje et Petri aulae palatia et horti, interdum Latine ut villa vertitur[3].
Notae
[recensere | fontem recensere]- ↑ Niermeyer, Mediae Latinitatis Lexicon Minus, pp. 1101-3, s.v. "villa".
- ↑ Columella, De re rustica I.6.
- ↑ S. Ivaškovskij, Lexicon Rossico-Latinum, s.v. усадьба.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
