Tarava

Res apud Vicidata repertae:

Civitas: Kiribati
Locus: 1°26′0″N 173°0′0″E
Numerus incolarum: 70 090
Zona horaria: UTC+12

Gestio

Procuratio superior: Insulae Gilbertenses

Geographia

Superficies: 31.02 chiliometrum quadratum

Tarava est atollum in Republica Kiribatiensi in medio Oceano Pacifico situm. Constat ex Tarava Septentrionali, quae multum una cum remotioribus insulis Insularum Gilbertensium habet; et Tarava Meridiana, quae caput civitatis et domicilium plus quam 50 000 hominum est, dimidii totius numeri incolarum. Atollum in terris externis locus proelii Taravae secundo bello mundano innotuit.

Taravae patent magna lacuna, plus quam 500 km², et latus scopulus curalii. Quamquam piscum et concharum omnium generum naturaliter abundans, opes maritimae nimium a multitudine crescente capiuntur. Siccitas crebra est, sed annis usitatis pluvia ampla fructum paniceum, papayam, et musas sustinet, cum cocoibus et pandanis.

Tarava Septentrionalis in catena parvarum insularum consistit, a latis canalibus separatarum, qui optime aestus recessu transiri possunt.^[1] Constructio aggerum Taravar Meridianae laciniam terrestrem creavit, a Betio in occidente ad Buotam in boreoriente patentem.^[2]

• Tarawa est locus photographematis a Francisco Filan facti, munimentum destructum monstrantis, quod anno 1944 Praemium Pulitzeranum abstulit.
• In Return to Mars, libro a Beniamino Bova scripto, Tarava est praesidium expeditionis ad Martem missae.
• Pacific Destiny, pellicula dramatica Britannica anno 1956 facta, in libro A Pattern of Islands fundatur.
• Leon Cooper, opifex navigii appellendi Classis Civitatum Foederatarum proeliique Taravae per secundum bellum mundanum particeps, insulam anno 2008 rediit ad investigandas famam litus quisquiliis sparsum fuisse; peregrinatio in documentario "Return to Tarawa: The Leon Cooper Story" refertur, Eduardo Harris narrante.

• USS Tarawa est primum navigium oppugnandi amphibiosa classis LHA.

• Grimble, Arthur. 1952, 2011. A Pattern of Islands. Londinii: Eland. (Ed. prima: Londinii: John Murray & Co.) ISBN 9781906011451.
• Grimble, Arthur. 1957. Return to the Islands. Londinii: John Murray & Co.
• Hickam, Homer. 2007. The Far Reaches. Novi Eboraci: Thomas Dunne Books. ISBN 0312334753.
• Troost, J. Maarten. 2004. The Sex Lives of Cannibals: Adrift in the Equatorial Pacific. Novi Eboraci: Broadway Books. ISBN 0766915305.

Vicimedia Communia plura habent quae ad Taravam spectant.

• Tarava in interrete,
• "The Marine Assault of Tarawa,"
• "Tarawa the Aftermath,"
• Reditus ad Taravam,