Samothracia
Samothracia[1] (Graece Σαμοθρᾴκη) est insula Graeca in Mari Aegaeo septentrionali iacens. Demus Samothraciae hodie ad regionem Macedoniae Orientalis et Thraciae pertinet.
Historia
[recensere | fontem recensere]Quinto saeculo a.C.n. Samothraces in Foedere Delio consociati sunt et tributum Atheniensibus solvunt. Tum pars adversi Thraciae litoris in eorum dicione erat[2]. Quarto saeculo in regnum Macedonicum inclusi sunt.
Cabirorum cultu mystico[3] praeclara insula erat et tertio bello Macedonico Perses, rex Macedonum, a Romanis victus ibi in fano delituit, cum filio suo Philippo, donec postremo a Cn. Octavio captus est (168 a.C.n.).
Post hoc, insula Samothecia sui iuris fuit usque ad T. Vespasianum imperatorem, tum in deditionem populi Romani accepta.
Notae
[recensere | fontem recensere]- ↑ Sive Samothrace, Samothraca, Threicia Samus vel Samos. Adiectivum est plerumque Samothracius, aliquando Samothracenus, Samothracicus, Samothracus. Incolae appellantur Samothraces. Vide Lewis & Short.
- ↑ Paul Perdrizet, "Le ΣΑΜΟΘΡΑΙΚΙΚΟΣ d'Antiphon et la Pérée Samothracienne", Revue des Études Grecques, 1909ː 33-41
- ↑ Zlatozara Gočeva, "Le culte des Grands Dieux de Samothrace à la période hellénistique", Kernos, 2002.
Nexus interni
 |
Haec stipula ad geographiam spectat. Amplifica, si potes! |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
