Nymphicus hollandicus iuvenis

---

Animalia — Chordata

Classis : Aves 
Ordo : Psittaciformes 
Familia : Psittacidae 
Subfamilia : Cacatuinae 
Genus : Nymphicus genus_authority = Wagler, 1832 
Species : N. hollandicus 

Nymphicus hollandicus 
Kerr, 1792  

Conservationis status

LC

Vigens (IUCN 3.1)^[1]

Territorium

Distributio geographica Nymphici hollandici.

Nymphicus hollandicus est psittacus cristatus mediocri mensura in Australia endemicus et ample in captivitate retentus; sola species est generis Nymphicus.

Notus etiam est nomine Callipsittacus, a verbis Graecis καλός kalós atque ψίττακος 'venustus psittacus'.

Nymphicus est psittacus fere 30–33 centimetra longus atque circa 90–95 grammata ponderis.

Corpus plerumque cinereum est, sed capitis colores nonnullarumque pinnarum praesertim pro sexu differunt: Maribus sunt albae pinnae subalares, flava pars capitis antica, helva crista atque aurantiae genae; feminis autem languidiores colores sunt, sed etiam flavae maculae lineaeque in cauda.

Pulli in toto feminis similes sunt; tamen, si mares, 6–9 menses nati mutant, pinnas discerni possunt.

Tamen colores N. hollandicorum, qui in captivitate retinentur, plurimi variique sunt: nam videmus albinos, subalbos, gilvos, maculosos, et alios.

Aetas eorum 12–20 annos circiter attingit; longaevissimus obiit 35 annos natus.^[2]

Nymphici solent in exiguos greges congregare et arida ac infrugifera loca Australiae mediae septentrionalisque habitant, dummodo ne aquae deficiant.

Greges in Portum Divitem invecti sunt.^[3] Praeterea ubique in captivitate retinetur.

Ex frumentis et leguminibus plerumque Nymphici vivunt, nec non fructibus, holeribus herbisque pro copia. Domestici illi pinguescere solent propter diaetam nimis opulentam^[4] nisi exercere volatu possunt.

Obsequio facto, mas et femina non iam dividentur; amplexus breves et plurimi sunt. Nidum faciunt in cavis arborum, tempore anni humido praeterito; illic feminae ponunt 5–7 albida ova, quae incubantur 18–20 dies alternis vicibus ab ambobus parentibus. Iuvenes relinquunt nidum 7–8 hebdomadas nati; sexualiter maturescunt post annum unum.

N. hollandici alacriter canunt et pipiant, in primis mares quando feminas sectantur. Aliquotiens Nymphici domestici mandant memoriae modulationes canorae nec non verba, quamvis hoc rarum sit.

Ad hoc crista utuntur ad sensus exprimendos: eam erigunt si terrentur moventurve; oblique eam ponunt quandocumque remittuntur; eam flectunt contra caput quando irascuntur vel parant se ad defendendum.

• De Callipsittaco apud aaeweb.net (Associazione Animali Esotici). (Italiane)
• genomics.senescence.info – Nymphicus hollandicus. (Anglice)
• De N. hollandico apud eol.org. (Anglice)
• www.cockatiel.com – Situs interretialis de alendis N. hollandicis. (Anglice)

Vicimedia Communia plura habent quae ad Nymphicum hollandicum spectant.

• Tabula colorum N. hollandicorum. (Italiane)
• http://www.nymphensittichseite.de/ (Theodisce)