Nicolaus Pašinjan
Nicolaus Pašinjan, litteris Armeniacis Նիկոլ Վովայի Փաշինյան (Idževan in urbe natus die 1 Iunii 1975), est diurnarius et politicus Armeniae. Filius praeceptoris exercitatorisque, alumnus est universitatis Erevanensis ubi propter motum discipulorum a se incitatum expulsus est. Ibi in arte diurnaria eruditus, apud ephemerides Dprutjun, Hajastan, Lragir, Molorak operam dedit sed anno 1998 ipse diarium Oragir condidit. Sergius Sargsjan candidatus ibi saepe vituperatus, comitiis anno 1999 praeses electus, diarium eradicari curavit editoremque Pašinjan damnari. Qui postea editor diarii Haykakan Zhamanak meruit usque in annum 2012, sed inter diem 19 Ianuarii 2010 et 27 Maii 2011 incarceratus est. Anno insequenti parlamento Armenico legatus est. Res novas mense Martio 2018 movens, a parlamento primus minister die 8 Maii 2018 electus est.
Bibliographia
[recensere | fontem recensere]- Pietro A. Shakarian, "The Significance of Armenia’s ‘April Revolution’" in The Nation (30 Aprilis 2018)
Nexus externi
[recensere | fontem recensere]![]() |
Vicimedia Communia plura habent quae ad Nicolaum Pašinjan spectant. |
- "Nikol Pashinyan": vita apud CIDOB: Barcelona Centre for International Affairs (Hispanice)
Vazgen Manukjan • Gagik Harutjunjan • Chosroës Harutjunjan • Hrant Bagratjan • Armenus Sargsjan • Robertus Kočarjan • Armenus Darbinjan • Vazgen Sargsjan • Aram Sargsjan • Andronicus Margarjan • Sergius Sargsjan • Tigranes Sargsjan • Hovik Abrahamjan • Karen Karapetjan • Sergius Sargsjan • Nicolaus Pašinjan Opus geopoliticum • Gubernatores civitatum Europaearum hodiernarum • Gubernatores civitatum Asiaticarum hodiernarum Capsae cognatae: Praesides Armeniae • Ministri rerum externarum Armenici | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.