Badenia (Germanice Baden) fuit antiqua civitas Germaniae, quae nunc ad terram foederalem Badeniam-Virtembergiam pertinet.

Primo de Marchia Badenia audimus anno 1061: Hermannus I de Zähringen tum Marchio Veronae et Comes Badeniae erat. Anno 1074 filius eius parvulus Hermannus II ei successit. Successerunt Hermannus III (1130 - 1160) et Hermannus IV (1160 - 1190). Huius filius Hermannus V ad annum 1243 regnavit, cum Hermannus VI (ad annum 1250) novus marchio factus est. Hoc tempore Badenia agris multis aucta, sed interdum et inter heredes divisa est. Postea duae terrae orta sunt: Badenia-Badenia et Badenia-Durlach, quae annis 1535 - 1771 fuerunt, deinde heriditate iterum consociatae sunt.

Tempore Napoleonis I Badenia anno 1803 principatus electoralis factus et multis agris, qui antea ad ecclesiam et urbes liberas pertinuerant, aucta est. Principi electori Badeniae ius Imperatorem Imperii Romani Sacri eligendi datum est, sed iam anno 1806 imperium dissolutum est.

Anno 1806 Badenia Ducatus Magnus factus est, quae usque ad annum 1815 ad Confoederationem Rhenanam (Germanice Rheinbund) pertinuit et deinde ad usque annum 1866 ad confoederationem Germanicam (Deutscher Bund). Iam anno 1818 Dux Magnus terrae constitutionem dedit. Die 12 Septembris ferrovia statalis inaugurata est. Quamquam constitutio Badeniae liberalis erat, tamen anno 1848/1849 magni tumulti contra monarchiam orti sunt. Anno 1871 Badenia pars Imperii Germanici facta est.

Badenia, quae a die 10 Novembris 1918 res publica erat. Anno 1933 ut ceteris civitatibus Germaniae, Badeniae omnia iura propria a Nazistis dempta sunt. Post secundum bellum mundanum Badenia divisa est inter foederatos: Australem partem Franci occupaverunt. Hic iterum Res Publica Badenia condita est, septentrionalis pars ad Zonam CFA pertinuit et pars terrae Badeniae-Virtembergiae facta est. Nam anno 1952 Badenia cum Virtembergia in nova Terra Foederali Germaniae Badenia-Virtembergia contributa est, quamquam incolae Badeniae Australis suffragio pro Badenia restituenda sententiam dederunt.

• Maximilianus de Baden, ultimus cancellarius Imperii Germanici
• Fridericus Ebert, praeses Rei Publicae Vimarianae
• Ioannes Godefridus Tulla, ingeniarius

• 
  Insigne civitatis
• 
  Badenia colore rubro depicta pars terrae foederalis quae ad occidentalem et meridionalem partem Germaniae spectat. Infra Lacus Bodamicus.

• 333 Badenia

• De Badenia
• Magnus Ducatus Badeniae circoscriptiones et municipia anno 1910)
• Badische Historische Kommission Index nominum geographicorum etiam Latinorum Badeniae.

Civitates Imperii Germanici

Regnum Bavariae · Regnum Virtembergiae · Regnum Saxoniae · Badenia · Megalopolis-Suerinum · Magnus Ducatus Hassiae · Magnus Ducatus Oldenburgi · Saxonia-Vimarii-Eisenach · Megalopolis-Strelicia · Ducatus Brunsvici · Saxonia-Meiningen · Anhaltinus ducatus · Saxonia-Coburgi et Gotaha · Saxonia-Altenburgi in Misnia · Principatus Lippiae · Waldeck · Schwarzburg-Rudolstadt · Schwarzburg-Sondershausen · Principatus Rusae Lineae Iunioris · Schaumburgum-Lippia · Principatus Rusae Lineae Senioris · Urbs Hanseatica Hamburgum · Urbs Hanseatica Lubeca · Urbs Hanseatica Brema · Elisatia et Lotharingia

Terrae rei publicae Vimarianae

Anhaltinum • Badenia • Bavaria • Res Publica Brunsvicum • Urbs Hanseatica Brema • Hamburgum • Hassia • Lippia • Lubeca • Megalopolis-Suerinum • Megalopolis-Strelicia • Oldenburgum • Borussia • Saxonia • Schaumburgum-Lippia • Thuringia • Waldecum-Pyrmontum (ad usque annum 1929) • Virtembergia

Partes Terrae Foederalis ad partem meridionalem et occidentalem Germaniae spectantis

Badenia • Virtembergia • Zolnerum • Wimpina