Ishmael Kalsakau
.png)
Ishmael Kalsakau, insulae Ifira prope Portum Vilam nativus,[1] est advocatus et politicus Vanuatus. A die 4 Novembris 2022 primus minister Vanuatuensis meret.
Collegium Malapoa frequentavit.[1] Procurator generalis Vanuatus die 10 Maii 2014 factus est. Parlamento mox dissoluto, ex officio suo praesidi Balduino Lonsdale advocatus merebat; ita celebrior factus se candidatus proposuit legatusque parlamento Vanuatuensi pro urbe Portu Vila electus est. Anno 2016, rursus electus, dux contrarius factus est, primo ministro Carolo Salwai; sed anno 2020, Salwai malo successu contendente, Roberto Loughman primo ministro facto, Ishmael Kalsakau primus minister vicarius ministerque a rebus internis fit.
Filius est Georgii Kalsakau qui, primus omnium, primus minister Novae-Ebudaensis fuit ab anno 1957 usque in 1958 sub condominio Franciae Britanniaeque. Frater Matoi princeps insulae Ifira meret.[1] Fratres Joshua et Ephraim eodem tempore quo Ishmael legati sunt parlamento Vanuatuense ab anno 2016.[2]
Notae
[recensere | fontem recensere]Nexus externi
[recensere | fontem recensere]- "Three Kalsakau brothers make Vanuatu political history – all elected" (25 Ianuarii 2016) apud Asia Pacific Report
- Lydia Lewis, Hilaire Bule, "Ishmael Kalsakau elected Vanuatu PM" (7 Novembris 2022) apud RNZ
- Kiery Manassah, "Alatoi Ishmael Kalsakau’s opportunity to write his own story" (11 Novembris 2022) apud DevPolicy Blog
- Françoise Tromeur, "Le Vanuatu a un nouveau Premier ministre, Ishmael Kalsakau" (5 Novembris 2022) apud FranceTVInfo
 | |
|
Gualterus Lini • Donaldus Kalpokas • Maximus Carlot Korman • Sergius Vohor • Maximus Carlot Korman • Sergius Vohor • Donaldus Kalpokas • Baracus Sopé • Eduardus Natapei • Sergius Vohor • Ham Lini • Eduardus Natapei • Sergius Vohor • Eduardus Natapei • Sato Kilman • Moana Carcasses Kalosil • Iosephus Natuman • Sato Kilman • Carolus Salwai • Robertus Loughman • Ishmael Kalsakau • Sato Kilman Capsae cognatae: Praesides Vanuatus • Ministri rerum externarum Vanuatuenses | |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
