Horae
Horae (Graece Ὥραι) deae sunt, quae horis praesunt, Iovis ac Themidis filiae, apud mythologos communiter tres Horae sunt tribusque temporibus anni respondent.
Nomina Horarum
[recensere | fontem recensere]Alii scriptores aliter Horas numerant et nominant. Apud Hesiodum enim Eunomia, Dice et Irene reperiuntur, tres filiae Themidis;[1] apud Athenienses Carpo et Thallo;[2] Hyginus mythographus igitur novem Horas enumerat, quarum nomina sunt Auxo, Eunomia, Pherusa, Carpo, Dice, Euporia, Irene, Orthosia et Thallo.[3] Nonnus Horas quattuor enumerat ob quattuor anni horas, Ear, Therus, Phthinoporon et Chimon (quae nomina Latine sonant "ver, aestas, autumnus, hiems"). Sed fuerunt secundum alios decem fere deae ob horas diei, scilicet Auge, Anatole, Musica, Gymnastica, Nymphe, Mesembria, Sponde, Elete, Acte, Hesperis, Dysis.[4]
Notae
[recensere | fontem recensere]Text is available under the CC BY-SA 4.0 license; additional terms may apply.
Images, videos and audio are available under their respective licenses.
