Glocestriensis comitatus
Glocestriensis comitatus sive Glocestria (vulgo Gloucestershire, abbreviatione Glos) est comitatus geographicus et traditionalis Angliae ad occidentem spectans, cuius caput est urbs Glevum.
Glocestria est comitatus historicus a saeculo X recognitus (pagis finitimis Herefordia et Vigornia septentrione versa, Warwico et Oxonio ad orientem spectantibus, Wiltonia et Somersetia ad meridiem, comitatu Monemutensi Cambriae occidenti verso). Ad partes meridionales et occidentales Sabrina flumen, comitatu toto transcurso, in manicam Bristoliensem defluit; ibi igitur portus reperiuntur, et praecipue urbs Bristolium, interdum a geographos in Somersetia comprehensum, interdum in Glocestria, sed comitatum sollemnem et administrativum in se constituens. Bristolio secluso Glocestria inter comitatus sollemnes Angliae hodiernae enumeratur.
Glocestria est etiam comitatus administrativus, sed limitibus parvioribus; separatim enim pagus Glocestria meridionalis gubernatur. Hic comprehendit traiectus antiquos iuxta Aust et New Passage, suburbia exteriora Bristoliensia Filton, Stoke Gifford, Winterbourne et Kingswood, oppida etiam Thornbury, Yate, Chipping Sodbury et Marshfield cum ruribus adiacentibus. In Glocestria "administrativa" hodierna manent Glevum (sedes gubernii); oppida clariora Cheltenham, Ciricestria, Stroud, Theoci Curia; portus minusculos Sharpness et Newnham; oppida modesta Coleford, Cinderford, Lydney, Mitcheldean, Newent, Winchcombe, Chipping Campden, Moreton-in-Marsh, Stow-on-the-Wold, Northleach, Lechlade, Fairford, Tetbury, Painswick, Minchinhampton, Nailsworth, Stonehouse, Dursley, Berkeley, Wotton-under-Edge, Wickwar; oppida parviora fere trecenta. Inter oppida Glocestriae olim ordinabantur Clifton et Hotwells; hae sunt hodie regiones urbanae Bristolii, sicut et portus Avonmouth ad ostia Abonae fluminis iacens.
Inter altissimos comitatus Glocestriae locos sunt Cleeve Cloud et May Hill.
Nexus externi
[recensere | fontem recensere]- Concilium comitatus
- Nuntii comitatus (BBC)
- This Is Gloucestershire: nuntii comitatus
Bibliographia
[recensere | fontem recensere]- Welbore St. Clair Baddeley, The Place-Names of Gloucestershire: a handbook. Glevi: John Bellows, 1913 Textus apud archive.org
- "Glocestershire" in Gulielmus Camdenus, Britannia (Londinii, 1607) Textus interretialis (Latine, Anglice)
- H. A. Evans, Gloucestershire. Cantabrigiae: Cambridge University Press, 1909 (Cambridge County Geographies) Textus apud archive.org
- Thomas Dudley Fosbrooke, Abstracts of records and manuscripts respecting the county of Gloucester; formed into a history. Glevi, 1807. 2 voll. (vol. 1 apud Google Books) (vol. 2 apud Google Books)
- "Gloucestershire" et "Bristol" in Thomas Fuller; P. Austin Nuttall, ed., The History of the Worthies of England (Londinii, 1840. 3 voll. 1 2 3) vol. 1 pp. 546-582, vol. 3 pp. 113-123
- "Gloucestershire" in Samuel Lewis, ed., A Topographical Dictionary of England (7a ed. 1848. ~)
- Victoria History of the Counties of England (Londinii, 1901- ~) Gloucestershire voll. 2, 4-6, 8-12 2 4 5 6 8 9 10 11
- Charles S. Taylor, An Analysis of the Domesday Survey of Gloucestershire. Bristolii: Bristol & Gloucestershire Archaeological Society, 1889 Textus apud archive.org
- W. H. Weston, Gloucestershire. Oxonii: Clarendon Press, 1912 (Oxford County Histories) Textus apud archive.org
Text is available under the CC BY-SA 4.0 license; additional terms may apply.
Images, videos and audio are available under their respective licenses.
