Euskadi Ta Askatasuna
Euskadi Ta Askatasuna (verba Vasconica significantia Vasconiam et libertatem) seu brevius ETA (pronuntiatur [ˈɛːta]) appellatur societas tromocratica quae Vasconiam cum Navarra sui iuris esse[1] legibusque communisticis regi[2] vult. Non solum eas Hispaniae partes ubi Vasconice loquuntur, sed etiam Franciae, patriae novae, quam Euskal Herria (i.e. terra qua Vasconicus viget sermo) vocat, censet adiudicandas.
Quem ad finem die 31 Iulii anno 1959 condita, usque ad annum 2007 necavit 821 homines[3] multosque alios plagiavit, ut eis tamquam obsidibus uteretur.
Primo societatis sectatores contra dictaturam Francisci Franco pugnabant, sed cum democratia creata est a rege Ioanne Carolo, in exercitum Hispanicum et viros publicos multos fecerunt impetus. Die 2 Maii anno 2018 grex ETA dissolutus est.
Nexus interni
Notae
[recensere | fontem recensere]Text is available under the CC BY-SA 4.0 license; additional terms may apply.
Images, videos and audio are available under their respective licenses.
