Demetrius Mendeleev

Res apud Vicidata repertae:

Nativitas: 8 Februarii 1834; Tobolium, Verkhnie Aremzyani
Obitus: 20 Ianuarii 1907; Petropolis
Patria: Imperium Russicum
Nomen nativum: Дмитрій Ивановичъ Менделѣевъ

Familia

Genitores: Ivan Pavlovich Mendeleyev;
Coniunx: Anna Ivanova Popova, Feozva Nikitichna Leshcheva
Proles: Vladimir Mendeleev, Lyubov Blok, Vasiliy Mendeleev

Memoria

Sepultura: Literatorskie mostki

Demetrius Ioannis filius Mendeleev (Russice: Дмитрий Иванович Менделеев, tr. Dmitrij Ivanovič Mendeleev; natus 8 Februarii 1834 Tobolii, mortuus 2 Februarii 1907 Petropoli) fuit chemicus Russicus, qui Legem Periodicam finxit et providam Systematis Periodici elementorum chemicorum formam excogitavit, per quam proprietates nonnullorum elementorum iam inventorum correxit proprietatesque elementorum octo nondum inventorum praedixit. Praeterea se ad alias scientias (exempli gratia, ad paedagogiam) applicavit. Scripsit plus quam 500 opera de quaestionibus chemiae, physicae, meteorologiae (artis caeli speciendi), disciplinae oeconomicae, agriculturae, educationis, et ceterarum.

Demetrius Mendeleev natus est 27 Ianuarii Calendarii Iuliani, seu 8 Februarii Calendarii Gregoriani, anno 1834 Tobolii in urbe, in familia cuiusdam rectoris gymnasii.

Mendeleev educatus est in parte historiae naturalis facultatis physico-mathematicae Principis Instituti Paedagogici Petropoli, ubi studia complevit anno 1855. Anno 1856, gradum magistris recepit in Universitate Petropolitana, ubi ab anno 1857 ad annum 1890 docebat. Annis ab 1859 ad 1861 Heidelbergae laborabat. Anno 1861, enchiridion chemiae organicae edidit. Annis ab 1864 ad 1866 professor Instituti Technologici Petropolitani docebat. Anno 1865 gradu doctoris affectus est (thema eius dissertationis pro gradu illo fuit De coniunctione spiritus cum aqua).

Anno 1868 Mendeleev fuit unus ex conditoribus Societatis Chemicae Russiae.

Chemicus anno 1869 Legem Periodicam et annis ab 1869 ad 1871 Systematem Periodicum elementorum chemicorum invenit.

Anno 1876 Mendeleev electus est socius correspondens Academiae Scientiarum Petropolitanae.

Ab anno 1893 ad finem vitae suae ille administrabat institutum, quod ad effectum similitudinis, diligentiae et convenientiae mutuae mensurorum ponderorumque in Russia adductebat.

Anno 1903, filia eius, Lyubov Mendeleeva poetam Alexandrem Blok nuptavit.

Demetrius Mendeleev mortuus est Petropoli 20 Ianuarii Calendarii Iuliani, seu 2 Februarii Calendarii Gregoriani, anno 1907. Crater lunaris, elementum (Mendelevium) et asteroides (2769 Mendeleev) nomen eius ferunt.

Vicimedia Communia plura habent quae ad Demetrium Mendeleev spectant.

Lexica biographica:  Gran Enciclopèdia Catalana • Den store danske • Deutsche Biographie • Treccani • Store norske leksikon •

• Pagina de Demetrio Mendeleev in Encyclopaedia Magna Sovietica editionis tertiae (Russice)