Arma ignifera^[1] sunt tela vi igniaria tractata, quibus missilia, sicut emboli igniarii, aliquo conlineantur.

Quamquam sclopetandi^[2] actus est, cum missilia vi igniaria mittuntur, saepe sensu latiore omnia arma ignifera sclopeta appellantur. Sensu autem stricto sclopetum^[1][3] specialiter longa designat arma ignifera ambabus manibus sustenta, quae glandes metallicas ignis vi eiciunt. Etiam sensu latiore nonnulli auctores sclopeta appellant manuballistas.^{[1] [4]} Sensu autem stricto, manuballistae maxime dicuntur arma medievalia Romana, quae tela vi elastica eiciunt.

Inventum pulveris pyrii sclopetique in Sina saeculis XIII et XIV per totum orbem terrarum postea naturam belli et panorama politicum magnopere commutaturum erat. Sclopeta potentia commenta, de quo usu milites facile docebantur, omnia tegumina vincere potuerunt. Deinde, tam vilia facta sunt, ut saeculo duodevicensimo fere omnes ea habere possent. Sclopeta notissimas partes figuraverunt in omnibus bellis, de quo habemus, exempli gratia, deductionem Americanam et subsequentia independentiae bella, numerosas res novas gestas, bella Napoleonica, et primum et secundum bellum mundanum.

Saepe dicuntur homines vi sclopeti aequales facti esse.^[5] Nam diu homines afflictati sclopetis armati assurgebant bella adversus afflictatores ubique facturi, sed ob sclopeta facti sunt potentiores non solum viri boni sed etiam malefici sicut terroristae et greges scelestorum; quam ob rem multi (non solum tyranni) hodie volunt armorum frequentiam imminuere. Ius internationale, sicut Pactio de mercatu armarum et Conventio Transnationalis contra Scelera Organizata cum suo tertio protocollo interdictionem qualis abusus armae igniferae conatur.

• Bombardum
• Canno

• Arquebusum
• Mosquetum
• Sclopetum
• Sclopetum polybolicum
• Sclopetum striatum
• Sclopetum dispergens
• Carabina
• Carabina semi-automatica

• Pistolium

• 
  Bombardum genus tormentis circum annum 1500 adhibitum.
• 
  Canno hodiernus Francicus.
• 
  Arquebusum, primum sclopetum quod cannonem manualem surrogavit.
• 
  Mosqueta, quae gravioriae arquebusis sunt, sed tamen fistulas teretes praebent.
• 
  Igniarium pyriticum, quo mosqueta focilia usa sunt.
• 
  Mosquetum striatum Springfield anni 1861, inter prima cuius igniaria apicibus percussivis usa sunt et quae fistulam machinatam habuerunt glandes torquentem.
• 
  Sclopetum striatum Ferguson, putatum primum quod glandes a tergo accepit.
• 
  Sclopetum venatorium Browning 270, sclopetum torquens saeculi vincensimi, quod glandes vaginatas sclopetat.
• 
  Sclopetum dispergens Remington M870 12 Gauge, quod globulos plumbeos dispergit.
• 
  Sclopetum automaticum M240G quo milites Americani utuntur.
• 
  Carabina Saginaw-M1, sclopetum torquens abbreviatum.
• 
  Carabina Semi-Automatica AK-47 Kalashnikov, celebrum sclopetum militare.
• 
  Pistolium Colt Python .357 Magnum, sclopetum revolvens manuale.
• 
  Pistolium Glock 17, sclopetum manuale semi-automaticum.
• 
  Glandes metallicae a Claudio Etienne Minié anno 1849 excogitatae, quae in moskettis torquentibus adhibitae sunt.
• 
  Glans charta vaginata qua sclopeta Dreyse acu ignita usa sunt. Descriptio monstrat vaginam chartaceam, sabot dictam, et glandem plumbeam.
• 
  Glans metallo vaginata, species proiectilis pulverim pyrium includens, quam plurima sclopeta torquent.

Vicimedia Communia plura habent quae ad arma ignifera spectant (Firearms, Handguns).