Alburnus Maior
Alburnus MaiorLocus: 46°18′30″N 23°4′57″E
Numerus incolarum: 2 428
Zona horaria: UTC+2, UTC+3
Situs interretialis
Gestio
Geographia
Tabula aut despectus
Alburnus Maior (Dacoromanice Roșia Montană, Germanice Goldbach, Hungarice Verespatak) commune Dacoromanica in Alba circulo est. Ad commune etiam vici Bălmoșești, Blidești, Bunta, Cărpiniș, Coasta Henții, Corna, Curături, Dăroaia, Gârda-Bărbulești, Gura Roșiei, Iacobești, Ignățești, Șoal, Țarina atque Vârtop pertinent.
Historia
[recensere | fontem recensere]
Iam temporibus antiquis hic in cuniculis aurum repertum est. Qua de causa saeculo secundo ineunte Romani Daciam expugnaverunt. Et hodie ruinae cuniculorum Romanorum exstant. Etiam tabulae inscriptionibus Latinis exstant[1]. Anno 270 Romani Daciam reliquerunt et Alburnus Maior derelictum est. Anno 1592 Roșia Montană primo in actis descriptum est. Ab hoc tempore iterum aurum hic partum est. Et multi coloni e Germania venientes hic laborabant et vivebant. Ad usque annum 1918 Alburnus Maior ad Imperium Austro-Hungaricum pertinuit, nunc pars Romaniae est.
Iurgium de auro et circumiectu
[recensere | fontem recensere]
Ab anno 1995 societas Canadiensis Gabriel Resources temptat, ne aurum regionis veneno Natrio Cyanido parere possit. Sed multi incolae et alii cives Romaniae contra haec consilia demonstrabant. Iudicia Dacoromanica cunicula Canadienses circumiectus servandi causa interdixerunt. Societas autem anno 2015 apud Argentariam mundanam compensationem damni poposcit[2]. Et ruinae Romanae periculo affectae sunt, itaque iam anno 2002 multi Archaeologi contra consilia Canadiensium protestabant[3]. Die 5 Februarii 2016 consilium ministrorum Romaniae Alburnum Maiorem candidatum UNESCO Mundi Hereditatis nominavit[4].
Bibliographia
[recensere | fontem recensere]- Eckhard Wirbelauer, "Alburnus maior" in Der Neue Pauly vol. 1 (Stutgardiae: Metzler, 1996. ISBN 3-476-01471-1) col. 445.
Nexus externi
[recensere | fontem recensere]
|
Vicimedia Communia plura habent quae ad Alburnum Maiorem spectant (Roșia Montană, Alba, Roşia Montană). |
- Pagina officialis communis Alburni Maioris (Dacoromanice)
- Pagina rosiamontana.org, quae Alburnum Maiorem de cuniculis servare studuit (Anglice et Dacoromanice)
- Pagina societatis Gabriel resources (Anglice)
Notae
[recensere | fontem recensere]- ↑ [e.g. CIL III, 0954,17: [Po]ntiano [et] Rufino co(n)s(ulibus) VII Idus Februarias Valerius Firmus / s[cripsi rogatus ab] Verzone Beusantis quod(?) di[3]s nu[3] / [3] Beusantis iure [3] agro gra[3] quod [3] / [3] suos feren[3]retio Dasius Verzonis [3] in [3]os C/[3]R[3]I[3] id [3]R[3] / ex viro gra[3]ide[3] |(denarios?) viginti [3] q[3]/gro gra[3] Beusantis [3]F[3] / fere[3 Al]burno maiori
- ↑ romania-insider.com die 21 Iulii 2015
- ↑ archaeologie-online.de anno 2002
- ↑ rosiamontana.org die 5 Februarii 2016
Text is available under the CC BY-SA 4.0 license; additional terms may apply.
Images, videos and audio are available under their respective licenses.
