Dasserghyans an taves Kernowek a dhallathas yn 1904 gans dyllans Handbook of the Cornish Language, gans Henry Jenner.

Wosa Jenner, Robert Morton Nance a wre hembrenkya an movyans a-barth Kernowek.

Yma teyr rannyeth "ha hanter" y'n yeth kernowek dasserghyes:

• Kernewek Unys (~1929)
  • Kernowek Unys Amendys (~1997)
• Kernewek Kemmyn (~1986)
• Kernuack Nowedga (~1986)

Nebes flehes re dhyskas Kernowek dasserghyes avel mammyeth dhyworth aga herens hag yw Kernowegoryon. An Dasserghyans re askorras niver meur a hwelyow lien Kernowek ynwedh. Mes yma lies kaletter hwath rag an yeth: nyns eus plas fast rag Kernowek yn adhyskans, hag yma lies studhyer an yeth owth hedhi gul devnydh anedhi wosa diwedh aga studhyans.

Savla nowyth an yeth avel taves ranndiryel, gwaynyes yn 2002, a wra chons rag avonsyans meur. A-dhia an vlydhen na, niver a fondyansow a-barth an taves re beu gwrys, yn arbennek Keskowethyans an Taves Kernewek, hag unn Rewlyores rag displegya an Taves Kernowek a veu dewisys. An Strateji rag an Yeth Kernowek re beu dyllys.

A-dhia 2006, yma keskusulyans tu hag unn furv skrifys savonek. Kernowek Standard a veu avonsyes gans UdnFormScrefys, unn bagas ledan a skodhyoryon skrif-komposter hengovek. Albert Bock ha Ben Bruch a wrug profya Kernowek Dasunys avel dasfurvyans a Gernewek Kemmyn. Mis Kevardhu 2007, bagas ad hoc a wrug devisya furv savonek yntra Kernewek Kemmyn ha Kernowak Standard. Wosa daswel a'n Furv Savonek Skrifys na, chanjyow (mars eus) a vydh dyllys 2013.

Lies fondyans a hwil avonsya an yeth kernowek.

• Agan Tavas a skoodh Kernewek Unys [1]
• Burow Europek an Yethow Nebes Kewsys: yma ganso dregh kernowek
• Dalleth a skoedhyas megyans fleghes dre Gernewek (lemmyn rann Kowethas an Yeth Kernewek yw)
• Gorsedh Kernow: yma dhedhi kevrennow gans gorsedhow erel yn Kembra ha Breten Vian; bardhek/drewydhek yw hy hengovyon hag arwodhogeth [2]
• Kowethas an Yeth Kernewek a skoodh Kernewek Kemmyn ha'n Furv Savonek Skrifys hag a dhyllo An Gannas [3]
  • Kesva an Taves Kernewek [4]
• Teer ha Tavas a skoodh Kernewek Nowyjya[5]
  • Cussel an Tavas Kernuack a skoodh Kernewek Nowyjya hag a dhyllo An Garrack

• Govel Geryow Yma an wiasva ma ow kasa Kernowegoryon dhe wul geryow nowyth warbarth, herwydh an edhomm

Stock a-dro dhe yeth po yethonieth yw an erthygel ma. Ty a yll gweres Wikipedya orth y efani.

Porth Kernow – Tre rag folennow ha klassys Wikipedya a-dro dhe Gernow.