Фадеев Тимофей Павлович
Фадеев Тимофей Павлович (1937—1992) — перым коми гижысь.
Олан туй
[вежны | Вежны кодировкаын]Тимофей Фадеев чужӧма 1937 вося урасьӧм тӧлысь 11-ӧд лунӧ Перым Коми кытшын Кӧс районса Новожилов грездын. Тані жӧ помалӧма начальнӧй школа, а орчча Чурак сиктын — сизим класс. Кӧс леспромхозын уджалыштӧм бӧрын ветлӧма армияӧ. Сэсся уджалӧма комсомол райкомын инструкторӧн, районса газетын корреспондентӧн, веськӧдлӧма клубӧн, вӧлӧма столярӧн, горнорабочӧйӧн, трудысь велӧдысьӧн. Помалӧма шӧр школа.
Кулӧма 1992 вося ӧшым тӧлысь 9-ӧд лунӧ.
Гижан удж
[вежны | Вежны кодировкаын]Йӧзӧдчыны босьтчӧма 1963 воын: медводз — ӧтувъя сборникъясын, а сэсся чужӧмаӧсь асшӧр небӧгъяс. Медводдзаыс — «Почкаэз оссьӧны» — петӧма 1970 воын Кудымкарын.
Гижӧма да йӧзӧдӧ «Гажа грива», «Адззисьлытӧдз, Марина!» да «Прошинаын тулыс» повесьтъяс. Сідзжӧ гижӧ кывбуръяс, пьесаяс, вӧр-ва йылысь висьтъяс. Сылӧн кывбуръяс вылӧ тэчӧма уна сьыланкыв да романс.
Пырӧ Россияса гижысь котырӧ.
«Олӧм лун» небӧгысь Т.П. Фадеевлы сетӧма М. Лихачёв нима литературнӧй премия.
Небӧгъяс
[вежны | Вежны кодировкаын]- Почкаэз оссьӧны. — Кудымкар, 1970.
- Олӧм лун.
- Тӧдысь [висьт] / Дасьтіс А. Лыюров // «Войвыв кодзув». 2018. — 2 №. — Л.б. 66—69.
Наградаяс
[вежны | Вежны кодировкаын]- М. Лихачёв нима литературнӧй премия
Ӧшмӧсъяс
[вежны | Вежны кодировкаын]- Фадеев Тимофей Павлович // «Войвыв кодзув». 2018. — 2 №. — Л.б. 66.
- Коми-пермяцкие писатели: Биографический справочник для образовательных учреждений. В 2 ч. Часть I. / Авт.-сост. Н.А. Мальцева. — Кудымкар, 2006.
Ыстӧдъяс
[вежны | Вежны кодировкаын]Text is available under the CC BY-SA 4.0 license; additional terms may apply.
Images, videos and audio are available under their respective licenses.
