Уква Ухта
Канпас
Му:	Рочму
Статус:	кар
республика:	Коми республика
каркытш:	Уква каркытш
Кар:	1943 восянь
Инлыдпасъяс:	63° в. п. 53° а. к. / 63.57° в. п. 53.64° а. к. (G)63.57, 53.64
Официал кыв	коми, роч
Олысьяс	99 600 морт (2011 во)
Час кытш:	UTC+3+3
Телефон код:	+7 8216
Пошта индӧс:	169300
Автомобиль код:	11
Карса лун:	Моз тӧлысь 20-ӧд лун

Уква (рочӧн Ухта) — тайӧ Рочмуын кар, Коми республикаысь Уква каркытшлӧн шӧрин. Промышленносьт, туялан да культура шӧрин.

Кар ним артмӧма Уква ю нимсянь.

Кар пукалӧ Уква ю берегъясын. Уквасянь Сыктывкарӧдз 327 км.

• Уква артмис кыдзи геологоразведочнӧй экспедициялӧн база, коді чеччис пыжъясысь Уква ю бокӧ Чибъюлӧн усянінӧ 1929 вося моз тӧлысь 21-ӧд лунӧ да босьтчис корсьны тайӧ муясас мусир да биару. Медводз посёлокыс шусис «Чибъю».
• 1938, йирым тӧлысь 26 лун — РСФСР-са Вылыс Сӧветлӧн Президиум пыртіс Чибъю уджалан посёлокъяс лыдӧ.
• 1939, сора тӧлысь 14 лун — Уква район артмӧдӧм бӧрын Чибъю посёлок лои юрсиктӧн да сылӧн вежсис нимыс, кутіс шусьны Ухта (комиӧн Уква).
• 1943, вӧльгым тӧлысь 20 лун — РСФСР-са Вылыс Сӧветлӧн Президиум вынсьӧдіс Коми АССР-са Вылыс Сӧветлӧн Президиумлысь Шуӧмсӧ да уджалан посёлок категорияысь вуджӧдіс Уквасӧ районнӧй каръяс лыдӧ.

Укваын эм «Ухта» мини-футбольнöй клуб код 2015 восянь ворсӧ Суперлигаын, медводдзя Россияса мини-футбол (футзал) дивизион.

• Капустин Сергей Алексеевич (1953—1997) — спортсмен (шайбаа хоккей), спортса нимӧдана мастер, олимпияса чемпион.
• Коблов Александр Петрович (1956) — спортсмен (пауэрлифтинг), кыкысь мирса чемпион
• Климов Юрий Михайлович (1940) — спортсмен (гандбол), спортса нимӧдана мастер, олимпияса чемпион.
• Державин Андрей Владимирович (1963) — музыкант, композитор
• Апрельский Сергей Александрович (1967, збыль ов Гондюхин) — киноактёр
• Захаров Эдуард Фёдорович (1975—1997) — спортсмен (бокс), войтыркост класса спортса мастер
• Ольга Фонда (1982) — америкаса актриса да фотомодель
• Абрамович Роман Аркадьевич — россияса медыджыд асшӧр уджалысь. Оліс Ухтаын 1970 восянь 1974 воӧдз.
• Бруни Николай Александрович (лётчик) (1891—1938) — туялысь, музыкант да футболист, кывбуртэчысь да проза гижысь, лётчик, выльтор восьтысь да художник, поп да авиаконструктор, Георгиевскӧй кавалер. Оліс (пукаліс) Ухтаын 1935 восянь1938 воӧдз. (лыйлісны Ухтаркаын).
• Будзуляк Богдан Владимирович — профессор, техника наукаса доктор, наука академияса тырвыйӧ член (академик). 1991-2008 воясӧ — ОАО «Газпром» правлениеӧ пырысь, 1991-2008 воясӧ — сэні жӧ департаментӧн веськӧдлысь. Оліс Ухтаын 1970-1991 воясӧ.
• Васильев Роман Александрович (1899—1988) — сад вӧдитысь, му туялысь. Одессит, мыждӧм улӧ веськаліс 1938 воын, Ухтпечлагын бӧрын кольччис овны Ухтаӧ. Карсаяс пиысь медводдзаӧн вӧчис 1950 воясын збыль сад (Гоголь улича вылын, 5а). Кӧдзыд климатын Васильев вӧдитіс восьса грунтын оз, сэтӧр, ирга, зэв уна дзоридз. Парникын быдтіс помидор да ӧгуреч. Зэв уна во чӧж видзӧдіс да пасъяліс поводдя, а сідзжӧ нуӧдіс карса фотолетопись.
• Демидов Георгий Георгиевич (1908—1987) — туялысь-физик, выльтор восьтысь, гижысь. Варлам Шаламовлӧн «Житие инженера Кипреева» гижӧдса геройлӧн ловъя пӧв (прототип). Оліс Ухтаын колымаса лагеръясысь мездмӧм бӧрти 1954 восянь 1972 воӧдз, уджаліс Ухтаса механическӧй заводын.

• Атлас Республики Коми. — Москва, 2000.
• Жеребцов И.Л. Где ты живешь: Населенные пункты Республики Коми. Историко-демографический справочник. — Сыктывкар, 2000.
• История Коми с древнейших времен до конца XX века: В 2-х т. / Под общей редакцией А.Ф. Сметанина. — Сыктывкар, 2004.
• Республика Коми: Энциклопедия. — Сыктывкар, 1997—2000. — Т. 1—3.
• Республика Коми: Административно-территориальное деление на 1 августа 1992 г. Издание пятое. — Сыктывкар, 1992.
• Административно-территориальное и муниципальное устройство Республики Коми (на 1 августа 2006 г.). Издание шестое, официальное / ГУ «ТФИ РК». — Сыктывкар, 2006. — 278 с.
• Козулин А. Зарево над Тиманом: Город Ухта от основания до наших дней. — Сыктывкар, 1987.

1. ↑ Предварительные итоги Всероссийской переписи населения. Статистический сборник. Федеральная служба государственной статистики

Тайӧ гижӧдыс помавтӧм на. Тэ верман ачыд сійӧс веськӧдны да содтыны. Тайӧ пасйӧдсӧ колӧ гижны стӧчджыка.