Попов Евгений Васильевич
| Попов Евгений Васильевич |
Шаблон:Серпасыс абу
Попов Евгений Васильевич (1933—2019) — РСФСР-са нимӧдана велӧдысь, Емдін районса Почёта гражданин, меценат.
Олан туй
[вежны | Вежны кодировкаын]Евгений Попов чужӧма 1933-ӧд вося тӧвшӧр тӧлысь 21-ӧд лунӧ Емдін районса Айкатыла сиктын.[1] Помалӧма Коми канмуса педагогика институт да бергӧдчӧма чужанінас. Нелямын во велӧдӧма Айкатыла школаын история да обществознание.
Паськыда сы йылысь кутісны сёрнитны сэки, кор 2018-ӧд вося тӧвшӧр тӧлысьын вуджӧдӧма ӧти миллион 200 сюрс шайт Гам сиктса социально-реабилитационнӧй шӧринлы да сетӧма налы ассьыс керкасӧ. Тайӧс вӧчӧма сы бӧрын, кыдзи 2017-ӧд воын «Вперёд» районса газетсьыс лыддьӧма, мый «Гаврош» челядь шӧринлы колӧ выльмӧдны эмбурсӧ. Евгений Попов чукӧртӧма сьӧмсӧ 1954-ӧд восянь сберкассаын, медым лӧсьӧдны торъя керка да овны бать-мамсьыс торйӧн. Кор гӧгӧрвоӧма, мый сьӧмыс оз тырмы выль патера ньӧбӧм вылӧ, сьӧмсӧ чӧжӧма привычкаӧн нин. Сылӧн абу вӧлӧма гӧтыр ни челядь; чукӧртӧм сьӧмсӧ абу и вермӧма некытчӧ видзны, олӧма бать-мамыслӧн керкаын. Сылы вӧзйылӧмаӧсь бурмӧдӧм патера, но кольччӧма важ оланінас. Сьӧмӧн отсалӧмысь сійӧс шуӧмаӧсь «гӧль меценатӧн».
Социально-реабилитационнӧй шӧринлы сьӧмӧн отсалӧмысь Емдін районысь сӧветса депутатъяс 2018-ӧд вося сора тӧлысьын сетӧмаӧсь Евгений Поповлы «Емдін районса Почёта гражданин» ним (Емдін районса экономика, культура да социально-политическӧй сӧвмӧмӧ пай пуктӧмысь).[2]
Кулӧма 2019-ӧд вося рака тӧлысь 17-ӧд лунӧ, гуалӧма Айкатыла сиктса шойнаын.[3]
Ошканпасъяс
[вежны | Вежны кодировкаын]- «Коми АССР-са просвещенньӧ отличник» ним
- «СССР-са просвещенньӧ отличник» ним
- РСФСР-са нимӧдана велӧдысь
- Емдін районса Почёта гражданин (2018)
Ӧшмӧсъяс
[вежны | Вежны кодировкаын]Ыстӧдъяс
[вежны | Вежны кодировкаын]- ↑ Фетисов А. Нужное дело на миллион: что приобрел реабилитационный центр на средства мецената Евгения Попова // «Комиинформ» юӧр сетан агентство (2019.01.21 лун; рочӧн)
- ↑ Пенсионеру из Айкино, подарившему 1 млн рублей реабилитационному центру, присвоено звание почетного гражданина // «Комиинформ» юӧр сетан агентство (2018.09.02 лун; рочӧн)
- ↑ Пенсионер-меценат из Коми, который пожертвовал детям миллион рублей, скончался // «ПроГород11» сайт (2019.03.22 лун; рочӧн)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
