«Мам-героиня» орден
«Мам-героиня» орден (рочӧн Орден «Мать-героиня») — СССР-ын орден да почёт ним, кодъясӧс сетӧны уна челядя мамъяслы.
История
[вежны | Вежны кодировкаын]Звание да орден лӧсьӧдӧма 1944-ӧд вося сора тӧлысь 8 лунӧ СССР-са Вылыс Сӧветысь Президиумлӧн Шуӧмӧн. Согласно «„Мать-героиня“ ним йылысь Положение» серти, тайӧ званиесӧ сетӧны орденкӧд ӧтвылысь мамъяслы, кодъяс чужтісны да быдтісны 10 и унджык челядь, кор бӧръя кагаыслы тырас ӧти арӧс и тайӧ мамыслӧн мукӧд челядьыс ловъяӧсь. «Мам-героиня» орденкӧд ӧтвылысь лӧсьӧдісны «Мамлун медаль» да «Мам слава» орден.
«Мам-героиня» почёт ним медводдзаысь сетісны 1944-ӧд вося йирым тӧлысь 27 лунӧ СССР-са Вылыс Сӧветысь Президиумлӧн Шуӧмӧн. Сэки тайӧ нимсӧ вичмӧдісны 14 мамлы. Ӧтиӧд номера орден да СССР-са Вылыс Сӧветысь Президиумлӧн 1-ӧд №-а Грамота вӧлі сетӧма Москва обласьтса Мамонтовка посёлокын олысь Анна Савельевна Алексахиналы, коді быдтіс 12 челядьӧс. Награда сылы сетісны Кремльын 1944-ӧд вося вӧльгым тӧлысь 1 лунӧ.
Бӧръяысь СССР-ын тайӧ нимсӧ сетісны СССР-са Президентлӧн Шуӧм серти 1991-ӧд вося йирым тӧлысь 14 лунӧ.
1995-ӧд вося тӧвшӧр тӧлысь 1 лун вылӧ «Мам-героиня» орденӧн наградитӧма матӧ 431 сюрс нывбабаӧс.
Орден серпасалӧм
[вежны | Вежны кодировкаын]
Орденлӧн пасьта — 28 мм, джуджта (колодкаӧн) — 46 мм.
1975 воын орденын зарни — 4,5±0,4402 грамм, эзысь — 11,525±0,974 грамм. Зарнилӧн проба — 950. Орденлӧн сьӧктаыс — 17,5573±1,75 грамм.
Ӧшмӧсъяс
[вежны | Вежны кодировкаын]- Орден йылысь юӧр
- СССР-ын мамлунысь канмуса наградаяс.
- Указ Президиума ВС СССР от 8 июля 1944 года (с изм. и доп.)
- «Мам-героиня» ним йылысь Положение
- «Мам-героиня» почёт звание
Ыстӧдъяс
[вежны | Вежны кодировкаын]Text is available under the CC BY-SA 4.0 license; additional terms may apply.
Images, videos and audio are available under their respective licenses.
