Berken Bereh
Helbestvanê kurd Berken Berek (2019)
Jidayikbûn	1954 (69–70 salî) Şirnex
Pîşe	Helbestvan
Zimanê nivîsinê	Kurdî
Netewe	Kurd
Salên çalak	1978 - heta îro
biguhêre

Berken Bereh helbestvanekî kurd e. Di sala 1954an de li bajarê Şirnexê ji dayîk bûye. Di sala 1978an de dest bi nivîsandinê bi zimanê kurdî kiriye. Yekemîn car helbestên wî di kovara Tîrêj de (yekemîn kovara kurdî ye li Bakur) de hatiye belav kirin.

Heta niha helbest û nivîsarên wî di gelek kovar û rojnameyên kurdî mîna (Tîrêj, Nûdem, Jiyana Rewşen, Hîwa, Azadiya Welat, Tîroj û yên internetî û hwd.) de belav bûne. Di sala 1999an de bi navê "Kulîna Kulîlkan" kovareke internetî amade kir. Çar hejmar derket. Ev yekemîn kovara internetî li Bakur bû. Pirtûkek helbestan bi navê "Êş" Di sala 2001ê de, herweha yek bi navê "Şagirtên Evînê" di 2003yan de bi rêya Weşanên Sî li Stembolê û "Pandomîm" 2006 li Amedê Weşanen Belkî û "Şîna Helbestê" 2008 weşanên Doz çap bûn.

Li zanîngeha Bilgiyê ya Stembolê, ya Colemêrg û her wiha li gellek bajarên Kurdistanê wek Hewlêr, Dihok, Amed û Wanê tevlî festîval û konferansan bû û teblîx pêşkêş kir. Ji bilî navê xwe Berken Bereh bi mexlasên mîna Serwer Botî, Argeş Amedî û Mem Bêtîr jî gotar û nivîs lê kir û weşand. Niha jî di malpera Diyarnameyê de panzdeh rojn carekê gotarên xwe belav dike.^{[çavkanî hewce ye]}

• Êş, Helbest, Weşanên Sî (2001)
• Şagirtên Evînê, Helbest Weşanên Sî (2003)
• Pandomîm, Helbest, Weşanên Belkî (2006)
• Şîna Helbestê, Helbest, Weşanên Doz (2008)
• Dilê Min Palgeh e ji Işqê re, Helbest, Weşanên Lîs (2010)
• Ji Dûriyê re, Helbest, Weşanên Lîs (2013)

• Kulîna Kulîlkan ^{Girêdana arşîvê 2005-05-07 li ser Wayback Machine}

Danegehên kontrola otorîteyê
Navneteweyî	VIAF WorldCat
Neteweyî	DYA
Yên din	IdRef